+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

«Ortalyq Azııa - Qytaı» saıası dıalogy iske qosyldy

2020 jylǵy 16 shilde 20:54
Bólisińiz:
«Ortalyq Azııa - Qytaı» saıası dıalogy iske qosyldy

NUR-SULTAN. QazAqparat - Qazaqstannyń Syrtqy ister mınıstri Muhtar Tileýberdi «Ortalyq Azııa - Qytaı» joǵary deńgeıdegi birinshi otyrysyna qatysty. Bul týraly QazAqparat SІM baspasóz qyzmetine silteme jasap habarlaıdy.

Beınekonferentsııaǵa sondaı-aq, Qytaı, Qyrǵyzstan, Tájikstan, Túrikmenstan jáne Ózbekstan syrtqy saıası vedomstvolarynyń basshylary qatysty.

Іs-shara barysynda mınıstrler halyqaralyq jáne óńirlik kún tártibindegi birqatar ózekti máseleler boıynsha pikir almasty.

Qatysýshylar Ortalyq Azııa memleketteri men Qytaı arasyndaǵy dostyq, tatý kórshilik jáne ózara tıimdilik negizinde kópjosparly yntymaqtastyqty jandandyrý ortaq múddelerge jaýap beretinin, óńirdegi ekonomıkalyq ósý men qaýipsizdiktiń mańyzdy faktory bolyp tabylatynyn atap ótti.

Pandemııamen kúreste tyǵyz ózara is-qımyl jasaý, onyń teris saldaryn joıý jáne óńir elderiniń ekonomıkasyn qalpyna keltirý máselelerine birinshi kezekte nazar aýdaryldy. Qazaqstan kórsetilgen gýmanıtarlyq kómek pen pandemııamen kúreste jan-jaqty qoldaý kórsetkeni úshin Qytaı tarapyna rızashylyǵyn bildirdi.

Otyrysqa qatysýshylardyń pikirinshe, COVID-19 keń taralýynyń aldyn alý boıynsha májbúrli sharalar ishki aımaqtyq mobıldiktiń jáne syrtqy ekonomıkalyq qyzmettiń aıtarlyqtaı tómendeýine ákeldi. Taraptar aımaqtyq ekonomıkalyq ıntegratsııany ilgeriletýde, saýdany jandandyrýda jáne ózara ınvestıtsııalardy yntalandyrýda kúsh-jigerdi biriktirýdi qoldady.

Shekaralarda sanıtarlyq-karantındik sharalardyń qoldanylýy jaǵdaıynda júk tasymaly men taýarlardyń tranzıti erekshe mańyzǵa ıe boldy. Qytaı tarapy bizdiń elderimizdiń ekonomıkalarynyń ózara baılanysyn eskere otyryp, transshekaralyq júk aǵynyn úzdiksiz qamtamasyz etý maqsatynda Ortalyq Azııa seriktesterine «jasyl dálizderdi» uıymdastyrýǵa daıyn ekenin málimdedi. Ortalyq Azııa men Qytaıdyń syrtqy saıası vedomstvolarynyń basshylary tsıfrlandyrý, qarjy qyzmetteri, elektrondyq kommertsııa, aqyldy qalalar jáne basqa da «noý-haý» sııaqty ósý draıverleri boıynsha kooperatsııa múmkindikterin talqylady. Ǵylymı-qoldanbaly salada, atap aıtqanda, ǵylymdy qajetsinetin ónim shyǵarý, sondaı-aq farmatsevtıkalyq saladaǵy kooperatsııany damytý boıynsha yntymaqtastyqty jolǵa qoıýǵa ázirligi atap ótildi.

Syrtqy ister mınıstrleri «Ortalyq Azııa – Qytaı» formatyn bekitý týraly sheshim qabyldap, turaqty kópjaqty saıası dıalogty jalǵastyrýdy qoldady.

Kezdesý qorytyndysy boıynsha taraptar Birlesken málimdeme qabyldady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT