+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ortalyq Azııa elderinde joǵary bilim berýdiń biryńǵaı Ortalyq Azııa keńistigi qurylady

2021 jylǵy 19 maýsym 11:48
Bólisińiz:
Ortalyq Azııa elderinde joǵary bilim berýdiń biryńǵaı Ortalyq Azııa keńistigi qurylady

NUR-SULTAN. QazAqparat - Ortalyq Azııa elderinde joǵary bilim berýdiń biryńǵaı Ortalyq Azııa keńistigi qurylady. Mundaı sheshim Túrkistandaǵy Ortalyq Azııa elderi bilim mınıstrleriniń qatysýymen ótken búgingi forýmnyń qorytyndysy boıynsha qabyldandy, dep habarlaıdy QazAqparat.

QR Bilim jáne ǵylym mınıstrligi baspasóz qyzmetiniń habarlaýynsha, oflaın jáne onlaın formatta ótken is-sharaǵa Qazaqstan, Ózbekstan, Túrikmenstan jáne Qyrǵyzstan bilim mınıstrlikteriniń basshylary, sondaı-aq Ortalyq Azııa elderindegi bilim mınıstrlikteriniń ókilderi, Eýropa Keńesiniń halyqaralyq uıymdary, Eýropalyq komıssııa, Bolon protsesi baqylaý tobynyń ókilderi, Erazmýs+ jáne Ortalyq Azııa elderiniń joǵary oqý oryndarynyń rektorlary qatysty.

Qazaqstannyń Bilim jáne ǵylym mınıstri Ashat Aımaǵambetov Ortalyq Azııa keńistigin qurý týraly usynysyn bildirip, sheteldik áriptester Ashat Aımaǵambetovtiń bastamasyna qoldaý bildirdi.

Forým qorytyndysy boıynsha Túrkistan deklaratsııasy qabyldandy.

Osy qujatqa sáıkes, endi Ortalyq Azııa memleketteri óńirlik yntymaqtastyqty keńeıtip, búkil Ortalyq Azııa joǵary oqý oryndarynyń ǵylymı, zııatkerlik jáne shyǵarmashylyq áleýetin biriktiretin bolady.

Sondaı-aq taraptar bilim alýshylarmen almasý úshin bilim berý baǵdarlamalarynyń, birlesken ǵylymı jobalardyń sanyn ulǵaıtýǵa jáne OA elderiniń kóshbasshy stýdentteri arasynda ózara baılanys ornatýǵa, tájirıbe almasý jáne jumys baǵyttaryn talqylaý úshin OA elderiniń joǵary oqý oryndary rektorlarynyń forýmdaryn ótkizýge kelisti.

Ortalyq Azııa keńistigine qatysýshy elderdiń yntymaqtastyǵy Bolon protsesi qaǵıdaty boıynsha uıymdastyrylatyn bolady. Sondaı-aq joǵary bilim salasyndaǵy Ortalyq Azııa keńistigi janynan OA elderiniń Bilim mınıstrlikteri arasyndaǵy jumysty úılestirý, Ortalyq Azııadaǵy joǵary bilimniń tartymdylyǵyn arttyrý jáne OA memleketteri arasyndaǵy básekege qabilettilikti kúsheıtý úshin hatshylyq qurylatyn bolady.

«Joǵary bilim berýdiń biryńǵaı Ortalyq Azııa keńistigin qurý búgingi tańda obektıvti qajettilik bolyp otyr. Jyl saıyn tanylatyn bilim týraly qujattardyń jalpy sanynyń 70%-ǵa jýyǵy Ortalyq Azııa joǵary oqý oryndarynyń qujattary. Búginde Ortalyq Azııa elderiniń azamattary bolyp tabylatyn 20 myńǵa jýyq stýdent qazaqstandyq joǵary oqý oryndarynda bilim alyp jatyr jáne bul kórsetkish jyl saıyn ósip keledi. Osyǵan baılanysty, joǵary bilimniń biryńǵaı keńistigi sheńberinde búgingi tańda joǵary bilimniń Eýropalyq keńistigi elderindegi sııaqty biliktilikti tanýdyń jeńildetilgen nemese avtomatty rásimi máselesin qarastyrýǵa bolady», dep atap ótti QR Bilim jáne ǵylym mınıstri Ashat Aımaǵambetov.

Túrkistan deklaratsııasy yntymaqtastyqtyń kelesi baǵyttaryn kózdeıdi:

1. Ortalyq Azııa elderi joǵary oqý oryndarynyń Alıansyn qalyptastyrý

2. Ortalyq Azııa elderiniń bilim berý sapasyn qamtamasyz etý jónindegi akkredıtteý keńesin qurý

3. Ortalyq Azııa elderi stýdentteriniń Alıansyn qurý

4.Biliktilikterdi jáne bilim týraly qujattardy taný jónindegi uıymdar qaýymdastyǵyn qurý.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT