Ortalyq Azııa elderimen taýar aınalymyn 70 mlrd dollarǵa jetkizemiz – Sı Tszınpın
2022 jylǵy 25 qańtar 16:55

Ortalyq Azııa elderimen taýar aınalymyn 70 mlrd dollarǵa jetkizemiz – Sı Tszınpın

NUR-SULTAN. QazAqparat – Qytaı Halyq Respýblıkasynyń Tóraǵasy Sı Tszınpın óz eliniń Ortalyq Azııamen aradaǵy taýar aınalymyn 70 mlrd dollarǵa jetkizýge qulyqty ekenin jetkizdi, dep habarlaıdy.

«Biz Ortalyq Azııanyń sapaly taýarlary men aýylsharýashylyq ónimderi úshin Qytaıdyń aýqymdy ishki naryǵyna keńinen jol ashýǵa daıynbyz. Ortalyq Azııa men Qytaı arasynda saýda forýmyn ótkizse jaqsy bolar edi. Biz 2030 jylǵa Qaraı Qytaı men Ortalyq Azııa elderi arasyndaǵy taýar aınalymyn 70 mlrd dollarǵa deıin arttyrýǵa kúsh salamyz. Elektrondy kommertsııa salasynda áriptestik ornatý boıynsha dıalog tetigin quryp, qajet bolǵan jaǵdaıda ındýstrııalyq-ınnovatsııalyq áriptestik forýmyn ótkizýdi usynamyz», - dedi Qytaı basshysy.

Shara barysynda QHR Tóraǵasy Qazaqstandaǵy qańtar tragedııasy týraly pikir bildirdi.

«Bizdiń bárimiz syrtqy kúshterdiń aımaqtaǵy túrli-tústi tóńkeristerdiń qoltyǵyna sý búrkip, «adam quqyqtary» syltaýymen ishki isterimizge aralasý, halyqtarymyzdyń tynysh ómirin buzý talpynystaryna úzildi-kesildi qarsy turamyz. Jaqynda Qazaqstanda bolǵan tártipsizdikter adam ólimine jáne materıaldyq shyǵyndarǵa ákep soqtyrdy», - dedi ol.

Aıta keteıik, Memleket basshysy Qasym-Jomart Toqaev «Ortalyq Azııa – QHR» sammıtine qatysýda .

Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.


Jańalyqtar

MURAǴAT