+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Ortalyq Azııa elderimen ortaq taýar óndirýshiler pýlyn qurý usynyldy

2019 jylǵy 20 tamyz 18:40
Bólisińiz:
Ortalyq Azııa elderimen ortaq taýar óndirýshiler pýlyn qurý usynyldy

NUR-SULTAN. QazAqparat – Qazaqstan men Ortalyq Azııa elderi taýarlardy taratý ortalyqtarynyń biryńǵaı pýlyn qura alady. Bul usynysty QR Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Máselen, bir ǵana shıe Qazaqstannyń ońtústiginen nemese ózge Ortalyq Azııa elderinen jetkiziledi. Shekarada birqatar másele týyndaıdy, onda shamamen 200 kólik turýy múmkin. Júzim salynǵan tońazytqysh kólikti kedenshiler ashqanda, ottegiden taýardyń 20% búlinedi. Onyń ústine, úlken qalaǵa kelip, kóterme satyp alýshy tapqansha taýardyń taǵy bir bóligi jaramsyz bolady. Sońǵy tutynýshyǵa jetkenshe júzim solǵyn tartyp qalady. Sondyqtan, qazir Ortalyq Azııadaǵy áriptesterimizben óndirýshiler pýlyn qurý boıynsha kelissózder júrgizip jatyrmyz. Bul qazaqstandyq óndirýshiler úshin de, basqalar úshin de tıimdi», - dedi Baqyt Sultanov Úkimet úıinde ótken baspasóz máslıhatynda.

Onyń aıtýynsha, shekaradaǵy kedergilerdi joıýǵa kómektesetin biryńǵaı dıstrıtýtsııa júıesi qurylady.

«Biryńǵaı júıe arqyly baǵalardy turaqty ustap, naryqqa sapaly azyq-túlik jetkizýge yqpal ete alamyz. Osylaısha, baǵanyń kúrt ózgerýin azaıtamyz», - dep atap ótti mınıstr.

Aıta keteıik, búgingi Úkimet otyrysynda Premer-Mınıstr Asqar Mamın áleýmettik mańyzy bar taýarlardyń qymbattaýyn synǵa alyp, ákimderge tapsyrmalar berdi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT