Jańalyqtar  >
Ortalyq atqarýshy organ basshylarynyń halyqpen kezdesýleri jańa tártipte júrgizilip jatyr
2022 jylǵy 9 tamyz 11:29

Ortalyq atqarýshy organ basshylarynyń halyqpen kezdesýleri jańa tártipte júrgizilip jatyr

NUR-SULTAN. QazAqparat – Búgin Úkimet otyrysynda QR Aqparat jáne qoǵamdyq damý mınıstri Asqar Omarov ortalyq atqarýshy organdar basshylarynyń jarty jyl ishinde halyqpen kezdesýlerine taldaý jasalǵanyn aıtty, dep habarlaıdy QazAqparat tilshisi.

«Memleket basshysy memlekettik organdardyń azamattarmen dıalogyn kúsheıtý úshin jyl saıyn halyqpen turaqty kezdesý ótkizýdi tapsyrdy. Bul - «Jańa Qazaqstandy» qurý jolyndaǵy basty qadamdardyń biri. Bıyldan bastap ortalyq jáne jergilikti atqarýshy organ basshylarynyń óńirlerge baryp, halyqpen júzbe-júz kezdesý ótkizýdiń jańa tártibi júzege asyp jatyr. Prezıdenttiń «Ortalyq atqarýshy organdar basshylarynyń halyqpen kezdesýler ótkizý týraly» Jarlyǵy qabyldandy», - dedi A. Omarov.

Osy oraıda mınıstr memlekettik organdardyń usynystary negizinde 2022 jylǵa arnalǵan ortalyq atqarýshy organdar basshylarynyń halyqpen kezdesýler kestesi jasalǵanyn aıtty.

«Sonymen qatar, mınıstrlik halyqpen kezdesýler ótkizý boıynsha ádistemelik usynymdar ázirledi. Olar buıryqpen bekitilip, memlekettik organdardyń nazaryna jetkizildi. Aqparat jáne qoǵamdyq damý mınıstrligi men ortalyq atqarýshy organdar ózara jedel is-áreketter jasaý úshin WhatsApp messendjerinde toptyq-chat quryldy. Munymen qosa, Jarlyq talaptaryn eskere otyryp, memlekettik organdardyń halyqpen ótkizgen kezdesýleri boıynsha aqpart usynýdyń biryńǵaı formasy ázirlendi», - dedi vedomstvo basshysy.

Ortalyq atqarýshy organdar basshylarynyń jarty jyl ishinde halyqpen kezdesýlerin taldaı otyryp tıisti qorytyndy jasaldy. Ortalyq atqarýshy organdar óńirlerde kezdesýler uıymdastyrýdyń aldynda osy aımaq azamattarynan kelip túsetin ótinishterge taldaý júrgizedi. Tanymal áleýmettik jeliler men BAQ-ta shyqqan, azamattardy tolǵandyratyn máseleler esepke alynady. Kezdesýler shamamen ortasha 500-ge deıin adam qatysqan, kezdesýlerdiń uzaqtyǵy 3 saǵatqa deıin sozylǵan, sondaı-aq kezdesýler ýaqytynyń 75 paıyzy suraq-jaýapqa arnalǵan.


Seriktester jańalyqtary

Jańalyqtar

Úrdis

MURAǴAT