Jańalyqtar  >

Órkenıetti el bolamyz desek, eńbekti eń basty orynǵa qoıý kerek - Toqaev

2022 jylǵy 6 qazan, 17:11
Órkenıetti el bolamyz desek, eńbekti eń basty orynǵa qoıý kerek - Toqaev

ASTANA. QazAqparat – Táýelsizdik – biz úshin eń basty qundylyq. Búgin QR Prezıdenti Qasym-Jomart Toqaev halyqtyq koalıtsııa forýmynda osylaı aıtty, dep habarlaıdy QazAqparat tilshisi.

«Táýelsizdik bárinen qymbat. Men byltyr osy tujyrym týraly arnaıy maqala jarııaladym. Biz egemendigimizdi saqtaı alsaq qana, ult bolyp, el bolyp tura alamyz. Táýelsiz memleket qana óziniń tilin, jerin, dinin, dilin saqtap qalady. Sondyqtan, Táýelsizdik – biz úshin eń basty qundylyq. Táýelsizdikti qorǵaý jáne nyǵaıtý – árbir azamatqa, bárimizge ortaq mindet! Taǵy da qaıtalap aıtamyn. Damyǵan, órkenıetti el bolamyz desek, eńbekti eń basty orynǵa qoıýymyz kerek», - dedi Memleket basshysy Qasym-Jomart Toqaevtyń kandıdatýrasyn qoldaý jónindegi halyqtyq koalıtsııanyń forýmynda.

Prezıdent eńbekqorlyq – óskeleń urpaqtyń boıyna sińgen qasıet bolýǵa tıistigin basa aıtty.

«Bul qasıet bizdiń ómir saltymyzǵa aınalýy kerek. Masyldyq nıetten, bos sózden arylýymyz qajet. Táýelsizdikti nyǵaıtýǵa naqty ispen úles qosý – ár azamattyń perzenttik paryzy. Eńbek adamy bizdiń qoǵamda qashanda qurmetke ıe bolady. Sebebi, eńbekqor adam óz sózin árdaıym ispen dáleldeı alady», - dedi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar