«Ordabasy» fýtbol komandasynyń bıýdjeti 30 paıyzǵa qysqarady

NUR-SULTAN. QazAqparat – Qazaqstandyq Premer-lıgadaǵy «Ordabasy» komandasynyń bıýdjeti 30 paıyzǵa qysqartylady. Bul týraly Shymkent qalasynyń ákimi Murat Áıtenov málim etti, dep habarlaıdy QazAqparat tilshisi.

«Bıylǵy bıýdjet nelikten ótken jyldyń bıýdjetinen kóp boldy. Sebebi komanda eýrokýbokta oınaǵan bolatyn. Bul pandemııaǵa deıinshi kezeń bolǵandyqtan, issaparǵa ketetin shyǵyndardy ulǵaıtqan edik. Eýrokýbokta qandaı da bir jetistikke jetýdi maqsat tuttyq. Biz eýrokýboktan shyǵyp qalǵannan keıin bıýdjetti 2,5 mlrd teńgege deıin qysqartyldy», - dedi Murat Áıtenov Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha odan únemdelgen aqsha pandemııamen kúreske jumsalǵan.

«Kelesi jyl úshin biz bıýdjetti aqyry 30 paıyzǵa qysqarttyq. Aqyrynda 4 nemese 5 mlrd teńge qalady. Qalanyń ózine respýblıkalyq bıýdjetten qarajat bólinetindikten biz kóshbasshy bolýǵa tyrysýymyz kerek», - dedi ol.

Sonymen qatar tilshiler ákimge bas bapker Kahaber Tshadadze klýbta qala ma, joq pa degen suraq qoıdy.

«Biz «Ordabasy» komandasynan jetistikti kútken edik. Biraq ókinishke qaraı ol tek besinshi oryndy mise tutty. Qazir sizderdiń bul suraqtaryńyzǵa naqty jaýap bere almaımyn. Qorytyndy keńes ótkizýimiz kerek», - dedi ol.