Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.62 EUR 426.03
RUB 5.67 CNY 55.78
Jańalyqtar

«Oralman» fılmi Bishkektegi ulttyq kınojúldeniń eki marapatyn ıelendi

2018 jylǵy 28 sáýir 12:12 294
Bólisińiz:
«Oralman» fılmi Bishkektegi ulttyq kınojúldeniń eki marapatyn ıelendi

ASTANA. QazAqparat - «Oralman» fılmi «Aq Іlbiris» ulttyq kınojúldesiniń eki marapatyna ıe boldy. Fılm «Ortalyq Azııanyń úzdik fılmi» júldesimen, al kartınada basty róldi somdaǵan akter Dýlyǵa Aqmolda «Ortalyq Azııanyń úzdik akteri» júldesimen marapattaldy, dep habarlaıdy QazAqparat tilshisi «Qazaqfılm» kınostýdııasynyń baspasóz qyzmetine silteme jasap.

Uqsas jańalyqtar
Danelııa Tóleshovanyń «The World's Best» baıqaýyndaǵy vıdeosy jarııalandy Aqmola oblysy: Mektep pen kolledjderdegi mýzeılerde 32 myńnan astam jádiger bar

QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy túsirgen fılm týǵan jerinen ketýge májbúr bolǵan, alaıda ondaǵan jyldar ótken soń Aýǵanstannan eline qaıta oralǵan qandastarymyz jaıly baıandaıdy. Týyndynyń rejısseri - Sábıt Qurmanbekov.

Aıta ketsek, «Oralman» kórkem fılmi Irannyń astanasy Tegeranda ótken 35-shi Halyqaralyq Fadjr kınofestıvali men XIII Halyqaralyq «Eýrazııa» kınofestıvaliniń Bas júldesin jeńip alǵan bolatyn. Fılmde basty róldi somdaǵan akter Dýlyǵa Aqmolda qyrkúıek aıynda Tatarstanda ótken XIII Halyqaralyq musylmandar kınosy festıvalinde «Úzdik er adam róli» júldesimen marapattaldy. Sondaı-aq, kartına Italııada ótken HH Halyqaralyq «Religion Today» kınofestıvalinde «Úzdik fılm» nomınatsııasynda jeńiske jetip, táýelsiz SIGNIS qazylar alqasynyń arnaıy júldesin ıemdendi. Odan bólek, Germanııada ótken 66-shy Halyqaralyq Mangeım-Haıdelberg kınofestıvalinde «Oralman» fılmi úzdik jetistikteri úshin arnaıy júldemen marapattaldy. Aqpan aıynda atalǵan kınotýyndy Nepalda ótken 22-shi halyqaralyq kınofestıvalde «Sheteldiń úzdik fılmi» júldesin ıemdengen bolatyn.

Mamyr aıynyń sońynda «Oralman» fılmi Avstrııada ótetin halyqaralyq kınofestıvalde kórsetiletin bolady.

Sonymen qatar «Aq Іlbiris» kınojúldesiniń «Álemdik kınematografqa sińirgen eńbegi úshin» mártebeli júldesi Qazaqstannyń halyq artısi, tanymal akter Nurjuman Yqtymbaevqa tabystalǵan.

2012 jyly Qyrǵyzstannyń tanymal kınematografısteri uıymdastyrǵan «Aq Іlbiris» atty tuńǵysh ulttyq kınojúldesi ótken jyldyń úzdik fılmderin anyqtaıtyn eleýli is-shara. Kınojúlde Qyrǵyzstannyń kınematografıster odaǵy, «Aıtysh» qoǵamdyq uıymy jáne Qyrǵyzstan Respýblıkasynyń kıno damytý qory qoldaýymen ótedi. «Ortalyq Azııanyń úzdik fılmi» nomınatsııasy 2010 jyly alǵash tabystalǵan bolatyn.


«Oralman» fılmi Bishkektegi ulttyq kınojúldeniń eki marapatyn ıelendi

 

Bizdiń kanalymyzǵa jazylyńyz:

Basty sózder: Qoǵam, Mádenıet, Óner,
Bólisińiz:

Avtor:

Aıan Bekenuly

Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
MURAǴAT