+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Oraldyq maıdanger Semen Danılın 105 jasqa toldy

2019 jylǵy 1 qazan 06:10
Bólisińiz:
Oraldyq maıdanger Semen Danılın 105 jasqa toldy

ORAL. QazAqparat – Oraldyq maıdanger Semen Danılın búgin 105 jasqa toldy, dep habarlaıdy QazAqparat tilshisi.

Maıdangerdi sońǵy jyldary týǵan kúnimen úıiniń janynda 5517-áskerı bóliminiń orkestri maıdan ánderimen quttyqtaýdy dástúrge aınaldyrdy.

Semen Akımovıchtiń ózi de bul kúni áskerı kıimin kıip, kelgen qonaqtardy qarsy alady.

Jasy 105-ke tolǵanyna qaramastan, ol áli tyń. Munyń syry salaýatty ómir saltyn ustanyp, araq pen temeki sekildi ádetterden aýlaq bolýda dep biledi.

QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, maıdangerdi mereıli jasymen quttyqtaýǵa oblys, qala basshylary, QR Ulttyq ulany jáne basqa mekeme-uıymdardyń ókilderi keldi.

Nur-Sultan qalasynan arnaıy kelgen QR ІІM ardagerler keńesiniń tóraǵasy, general-maıor Ómirzaq Bolsambekovtiń atap ótkenindeı, búgingi urpaq beıbit kúnniń aǵa býynnyń janqııarlyq batyrlyǵy arqasynda kelgenin eshqashan umytpaq emes.

Onyń sózine qaraǵanda, Qazaqstan ishki ister qurylymdary men Ulttyq ulan ardagerler keńesteriniń quramynda 70 myń ardager bar. Sonyń ishinde tórteýiniń jasy júzden assa, eń úlkeni – Semen Danılın.

«Siz sııaqty 105 jasqa kelip jatqandar óte sırek. Sizdiń ómirińiz – erlik pen otanshyldyqtyń, elge shynaıy qyzmet etýdiń jarqyn úlgisi. Keıingi jastar úshin ónege kórsetip kelesiz. Budan bylaı da ár kúnińiz jan jadyratar jaqsylyqqa toly bolsyn!», dedi QR Ulttyq ulany «Batys» óńirlik qolbasshysy, general-maıor Álibek Serálıev.

Aıta keteıik, Semen Akımovıch Danılın 1914 jyly 30 qyrkúıekte Reseıdiń Kýrsk oblysynda dúnıege kelgen. Ákesi birinshi dúnıejúzilik soǵysta qaza tapqannan keıin anasy da kópke uzamaıdy. Aǵasy Andreı men Semendi ata-ájesi tárbıelep ósirdi.

Semen Danılın ekinshi dúnıejúzilik soǵysty Brıansk áskerı-saıası ýchılıesiniń kýrsanty bolyp bastap 143-Qyzyl týly Dnepropetrovsk mınomet polkiniń quramynda batalon komandıriniń saıası bólim jónindegi orynbasarlyǵyna deıin kóterildi.

Stalıngrad, Ýkraına, Vengrııa, Chehoslovakııa, Polsha jerlerinde soǵysqan maıdanger jeńisti Kenıgsbergte qarsy aldy. Kýrsk ıinindegi urystaǵy erligi úshin «Qyzyl Juldyz» ordenimen marapattaldy.

Soǵystan keıin Almaty men Qaraǵandy qalalarynda ishki ásker quramynda qyzmet etip, polkovnık shenimen demalysqa shyqty.

Marqum jary Anna Pavlovna ekeýi úsh qyz ósirdi. Úlkeni, 1939 jylǵy Galına Dondaǵy Rostovta, ortanshysy Natalıa Odessada turady.

Semen Akımovıch kishi qyzy Tatıanamen birge ómir súrip keledi.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT