Oraldaǵy «Jastar» stadıony senimgerlik basqarýǵa berilmek
2022 jylǵy 20 mamyr 14:52

Oraldaǵy «Jastar» stadıony senimgerlik basqarýǵa berilmek

ORAL. QazAqparat – Oral qalasyndaǵy «Jastar» stadıony senimgerlik basqarýǵa berilmek, dep habarlaıdy QazAqparat tilshisi.

BQO dene shynyqtyrý jáne sport basqarmasynyń basshysy Qaımen Esendııarovtyń óńirlik kommýnıkatsııalar qyzmeti alańynda málim etkenindeı, senimgerlik basqarýǵa berýdegi negizgi talap qys kezinde jappaı syrǵanaýdy qamtamasyz etý úshin tońazytqysh jabdyǵyn jóndeý bolmaq.

Onyń aıtýynsha, «Jastar» stadıonynda 2018 jyly «QPO b.v.» kompanııasynyń áleýmettik jobalarǵa bóletin qarjysy esebinen jasandy muz aıdyny úshin tońazytqysh jabdyǵy ornatylǵan bolatyn.

-Qazirgi kezde bul jabdyq jaramsyz. Merdiger mekeme «Birlik» JShS (basshysy Amanjol Kóneev) jabdyqty ornatqanymen, 2019 jyly elektr qýatynyń joǵary qysymdy kerneýine baılanysty jabdyqtyń kabeli isten shyqty. Atalmysh mekeme kepildi merzimniń aıaqtalýyna deıin kabeldi qondyrdy. Alaıda onyń qaıtadan janý qaýpi bar, - deıdi basqarma basshysy.

«Jastar» stadıonynda dopty hokkeıden Reseı joǵary lıgasynda óner kórsetetin «Aqjaıyq» sport klýbynyń óz matchtaryn ótkizip júrgeni belgili.

«Elimizdiń basqa óńirlerinde dopty hokkeı damytylmaǵandyqtan, «Aqjaıyq» komandasy amalsyzdan Reseı joǵary lıgasynda oınap júr. Bári de qarjyǵa kelip tireledi. Aldaǵy ýaqytta «Aqjaıyqqa» Reseıdiń sýperlıgasyna shyǵatyndaı múmkindigi joq», dedi QazAqparat tilshisine Q.Esendııarov.

Eske sala keteıik, budan buryn «Aqjaıyqtyń» dopty hokkeıden joǵary lıganyń fınaldyq saıystaryna qatysyp, jetinshi orynǵa ıe bolǵanyn jazǵan bolatynbyz.


Uqsas jańalyqtar

Jańalyqtar

MURAǴAT