+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Oraldaǵy ortalyq dańǵyldardyń birine Abaıdyń esimin berý usynyldy

2020 jylǵy 19 aqpan 17:43
Bólisińiz:
Oraldaǵy ortalyq dańǵyldardyń birine Abaıdyń esimin berý usynyldy

ORAL. QazAqparat – Oraldaǵy Eýrazııa dańǵylyna uly Abaıdyń esimin berý usynyldy, dep habarlaıdy QazAqparat tilshisi.

Búgin Oral qalalyq onomastıkalyq nysandardyń tarıhı jáne dástúrli ataýlaryn qalpyna keltirý boıynsha usynystardy zerdeleý jáne pysyqtaý jónindegi jumys tobynyń keńeıtilgen otyrysy bolyp, onda atalǵan másele biraýyzdan qoldaý tapty.

Jıyndy júrgizgen qala ákimi Abat Shynybekovtiń atap ótkenindeı, Prezıdent Qasym-Jomart Toqaevtyń tapsyrmasyna sáıkes bıyl Abaıdyń 175 jyldyǵy keńinen toılanýda.

Keshe Abaıdyń mereıtoıyna arnalǵan sharalar Oral tórinde saltanatpen ashylsa, búgin Qazaqstan Jazýshylar odaǵy BQO fılıalynan Eýrazııa dańǵylyna Abaıdyń esimin berý týraly usynys tústi.

«Memleket basshysynyń tapsyrmasymen, halyqtyń qoldaýymen Abaıdyń 175 jyldyǵy elimizde joǵary deńgeıde atalyp ótilýde. Barlyq ulttyń ulylary sııaqty, Abaıdyń da esimin jańǵyrta berýge tıispiz. Abaı qaı ǵasyrda da jasaı beredi, ol máńgilik. Keńes dáýirinde Abaıdyń ákesi Qunanbaı baı bolǵandyqtan, tórge oza almady. Aqyn dep aıtylǵanmen, ulttyń uly perzenti retinde tanylǵan joq. Endi elimiz táýelsiz bolǵannan keıin Oraldaǵy kúretamyr kósheniń biri – Eýrazııa dańǵylyn Abaıdyń esimimen atasaq, jarasady dep senemiz», dedi belgili aqyn, Memlekettik syılyqtyń ıegeri, Qazaqstan Jazýshylar odaǵy BQO fılıalynyń basshysy Aqushtap Baqtygereeva.

A.Baqtygereevany fılologııa ǵylymdarynyń doktory, professor Murat Sabyr, Oral qalalyq qoǵamdyq keńesiniń tóraǵasy Baqytjan Nurbaev, «ıAık-Ýral kazaktary odaǵy» qoǵamdyq birlestiginiń jetekshisi Vıacheslav Solodılov, shahardaǵy №17 orta mekteptiń dırektory Tamara Rýdıch jáne basqalar qoldady.

Usynysty jıynǵa qatysqan atalǵan jumys toby men qalalyq qoǵamdyq keńes músheleri, qalalyq máslıhat depýtattary da maquldady.

Eske sala keteıik, budan buryn Aq Jaıyqta Abaı jylynyń saltanatpen ashylǵanyn jazǵan bolatynbyz.



Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT