Oraldaǵy qoqys polıgonyn basqa jaqqa kóshirý múmkin emes - BQO ákimi

NUR-SULTAN. QazAqparat - Batys Qazaqstan oblysyndaǵy qoqys polıgony kelesi jyly jabylady. Bul týraly Batys Qazaqstan oblysynyń ákimi Ǵalı Esqalıev Ortalyq kommýnıkatsııalar ortalyǵynda ótken brıfıngte aıtty, dep habarlaıdy QazAqparat tilshisi.

«Turmystyq qoqys polıgony jergilikti kásipkerlerdiń menshiginde. Jazda jáne kúzde bolǵan órt máseleleri qazir sheshilip jatyr. Polıgon ıeleri órttiń aldyn alý maqsatynda qosymsha tehnıka aldy», - deıdi Ǵalı Esqalıev.

Oblys ákimi turmystyq qaldyqtar polıgonyn kóshirý múmkin emes ekenin aıtty.

«Ony kóshirý múmkin emes, tek jabý kerek. Jaqynda kelesi jyldyń bıýdjetin talqylaǵan kezde qarajat bólý jaǵyn qarastyryp, jyldyń birinshi jartyjyldyǵynda, ıaǵnı jaz mezgilinde polıgondy jabamyz», - ol.

Eske sala ketsek, buǵan deıin Oral turǵyndary qoqys polıgonynan taraǵan ýly tútinge tunshyǵyp otyrǵanyn jazǵan bolatynbyz.