+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Oralda júkti áıel kópirden sekirmek boldy

2019 jylǵy 22 qyrkúıek 02:52
Bólisińiz:
Oralda júkti áıel kópirden sekirmek boldy

ORAL. QazAqparat - Oral qalasynda júkti áıel kópirden sekirmek boldy, dep habarlaıdy QazAqparat «Moı gorod» portalyna silteme jasap.

Oqıǵa 13 qyrkúıek kúni Shaǵan ózeniniń ústimen ótetin kópirde, «Dınamo» sporttyq bazasyna jaqyn jerde bolǵan.

Batys Qazaqstan oblystyq Polıtsııa departamentiniń baspasóz qyzmetinen málim etkendeı, jas kelinshek kópir qorshaýynyń arǵy betine ótip alyp, sekirmekke daıyndalǵan.

«Ol aıaq kıimin de sheship úlgergen. Baqytqa oraı, polıtsııa starshınasy Samat Baldanov sol jerge jaqyn mańda bolǵan. Ol jeke kóligimen túski úziliske bara jatyp, kópirde jalǵyz turǵan áıeldi baıqaǵan. Starshına dereý joldyń jıegine kóligin qaldyryp, jaıaý kelinshekke qaraı bet alǵan. Sol ýaqyt aralyǵynda ol qorshaýdyń arǵy betine ótip úlgergen. Bir mezette tepe-teńdikti ustaı almaı, tómen qulaǵan. Biraq der ýaqytynda jetken Baldanov ony qolynan ustap alyp úlgeredi. Ótip bara jatqan júrgizýshilerdiń kómegimen polıtseı ony joǵary shyǵaryp aldy», - dedi departamentten.

Keıin, sýıtsıd jasamaq bolǵan Oral qalasynyń 31 jastaǵy turǵyny jáne onyń aıaǵy aýyr ekeni anyqtaldy.

«Sondaı-aq strestik jaǵdaıda bolǵan áıelde epılepsııa ustamasy bastalǵan. Starshına Samat Baldanov oqıǵa ornyna polıtsııanyń qosymsha kúshterin jáne jedel járdem shaqyrǵan. Medıtsına mamandary ony oblystyq aýrýhanaǵa alyp ketti. Áıeldiń sózinshe, ol otbasyndaǵy qıyndyqtarǵa baılanysty óz-ózine qol salmaq bolǵan», - dep qosty vedomstvoda.

Polıtsııa departamentiniń ókilderi Samat Baldanovtyń áreketi basshylyq tarapynan atap ótiletinin jetkizdi.

Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT