Oralda úshinshi qabattan qulap ketken 4 jasar bala aýrýhanaǵa jatqyzyldy
2022 jylǵy 23 maýsym 15:47

Oralda úshinshi qabattan qulap ketken 4 jasar bala aýrýhanaǵa jatqyzyldy

ORAL. QazAqparat - Oralda úshinshi qabattan qulap 4 jasar bala aýrýhanaǵa jatqyzyldy, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 12.23-te «Qurylysshy» shaǵyn aýdanyndaǵy toǵyz qabatty úıde boldy.

«Ata-analardyń qaraýynsyz qalǵan 4 jasar bala úshinshi qabat terezesinen qulap ketti. Aldyn ala málimet boıynsha jabyq bas-mı jaraqatyn alyp, mıy shaıqalǵan. Oǵan qosa samaı tusynan, ishinen jaraqat alǵan. Qazirgi kezde aýrýhanaǵa jatqan balanyń jaı-kúıi anyqtalý ústinde. TJ departamenti ata-analarǵa kishkentaı balalaryn qaraýsyz qaldyrmaý kerektigin eske salady», dep habarlady vedomstvodan.

Eske sala keteıik, budan buryn BQO-da kólde joǵalyp ketken 8 jasar bala men onyń atasy ushaqpen izdestirilip jatqanyn jazǵan bolatynbyz.

Sondaı-aq BQO-da joǵalyp ketken er adam 10 kúnnen beri izdestirilip jatyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT