Oralda «Ulttyń úni - jyr-terme» atty jas termeshiler baıqaýy márege jetti
2021 jylǵy 13 qarasha 10:46

Oralda «Ulttyń úni - jyr-terme» atty jas termeshiler baıqaýy márege jetti

ORAL. QazAqparat - Jáńgir han atyndaǵy Batys Qazaqstan agrarlyq-tehnıkalyq ýnıversıtetinde Táýelsizdiktiń 30 jyldyǵyna oraı «Ulttyń úni - jyr-terme» atty oblystyq jas termeshiler baıqaýy márege jetti, dep habarlaıdy QazAqparat tilshisi.

Óner keshin BQO jastar saıasaty máseleleri basqarmasynyń qoldaýymen «Ǵasyr» jastar qoǵamdyq birlestigi uıymdastyrdy.

Baıqaý maqsaty - halyqtyq terme ónerin óskeleń urpaqqa, óner súıer jurtshylyqqa keńinen nasıhattaý, jas talanttardy anyqtap, daryndy ónerpazdardyń kásibı sheberligin arttyrý.

Saıysqa 16 jas termeshi qatysyp, Batys maqamymen jáne erkin taqyoypta terme oryndap, óz ónerlerin ortaǵa saldy.

Baıqaý qorytyndysynda 14-18 jastaǵylar arasynda M.Ótemisov atyndaǵy Batys Qazaqstan ýnıversıtetiniń stýdenti Aqmaral Temirbolatova birinshi júldeni jeńip aldy. D.Nurpeıisova atyndaǵy balalar mýzyka mektebiniń oqýshysy Laýra Málikova ekinshi, Oraldaǵy №25 mektep shákirti Sabına Jumageldına úshinshi orynǵa kóterildi.

Al 19-29 jastaǵylar arasynan Kaztalov aýdanynan kelgen Nuraly Aıtýǵanov úzdik shyqty. M.Ótemisov atyndaǵy Batys Qazaqstan ýnıversıtetiniń stýdentteri Ádil Ahmetov pen Aqbota Esetova ekinshi jáne úshinshi oryndardy bólisti.

Saıys jeńimpaz-júldegerlerine uıymdastyrýshylar tarapynan arnaıy dıplomdar men baǵaly syılyqtar tabys etildi.

Eske sala keteıik, budan buryn Oralda jas dombyrashylar baıqaýy márege jetkenin jazǵan bolatynbyz.


Uqsas jańalyqtar

Jańalyqtar

Úrdis

MURAǴAT