FÝTBOLDAN ÁLEM ChEMPIONATY-2022
  Jańalyqtar  >

Oralda túngi klýbtyń janynda tóbelesken Reseı azamattary bes táýlikke qamaldy

2022 jylǵy 1 qazan, 17:46
Oralda túngi klýbtyń janynda tóbelesken Reseı azamattary bes táýlikke qamaldy

ORAL. QazAqparat - Oralda jappaı tóbeleske qatysqandardyń bárin polıtsııa ustady, dep habarlaıdy QazAqparat Іshki ister mınıstrligine silteme jasap.

30 qyrkúıek kúni saǵat 00.00 shamasynda BQO PD jedel basqarý ortalyǵynyń ınspektorlary syrtqy beınebaqylaý kameralaryn monıtorıngtep otyrǵanda Oraldyń túngi klýbtyń janynda er adamdardyń tóbelesin baıqady.

Oqıǵa ornyna kelgen polıtsııa qyzmetkerleri mas kúıinde bir-birimen tóbelesken Reseı azamattaryn ustady.

Bul fakt boıynsha materıal jınalyp, kýágerlerden jaýap alyndy. Janjalǵa qatysýshylar Abaı polıtsııa bólimine jetkizildi.

Qoldanystaǵy zańnamaǵa sáıkes quqyq buzýshylarǵa qatysty QR ÁQBtK-niń 434, 437-baby boıynsha ákimshilik hattama toltyryldy.

Oraldyń mamandandyrylǵan ákimshilik sotynyń qaýlysymen QR ÁQBtK 434-babynda kózdelgen usaq buzaqylyq jasaǵany úshin 1992 jáne 1995 jyly týǵan RF azamattaryna 5 táýlik merzimge ákimshilik qamaýǵa alý túrindegi jaza taǵaıyndaldy.

Azamattyq sot joǵaryda atalǵan RF azamattarynyń QR aýmaǵynda odan ári júrip-turý máselesin qaraıdy.


Tegı:
Seriktester jańalyqtary

Jańalyqtar