Oralda tergeý ızolıatorynyń qyzmetkeri eki adamdy órtten qutqardy

ORAL. QazAqparat – Oralda tergeý ızolıatorynyń qyzmetkeri Abylaı Tóleev eki adamdy órtten qutqardy, dep habarlaıdy QazAqparat tilshisi.

Uqsas jańalyqtar

Atyraýda kottedj órtenip ketti

ShQO-da bir kúnde 5 órt oqıǵasy boldy Aqmola oblysynda órtten ákesi men balasy qaıtys boldy ShQO-da jyl basynan beri 40-qa jýyq kólik órtendi

BQO qylmystyq-atqarý júıesi departamentiniń baspasóz qyzmeti málim etkenindeı, Oral qalasy tergeý ızolıatorynyń qyzmetkeri A.Tóleev 21 qańtarda Muhıt kóshesindegi 134-úıdiń janynan ótip bara jatyp, besinshi qabattan tútin shyǵyp jatqan kórgen.

Іshten aıqaıdy estigen ol birden kómekke umtyldy. Kórshilermen birge páterdiń esigin buzyp kirdi. Qalyń tútinge qaramastan, qaımyqpaı kirgen A.Tóleev 35 jáne 40 jastaǵy eki er adamdy alyp shyqty.

Kelip jetken jedel járdem brıgadasy A.Tóleevti gazdan ýlanǵan dep taýyp, aýrýhanaǵa jetkizdi.

Atalǵan úıdiń turǵyndary ómirine qaýip tóngenine qaramastan, erlik jasaǵan jas jigitti áleýmettik jeli arqyly izdep, tapqan.

Turǵyndar M.Qýanova, O.Pıterskaıa, ıA.ıAshkova, G.Ydyrysova, N.Kırılına, A.Jandalı, V.Keshelnıak BQO qylmystyq-atqarý júıesi departamentiniń bastyǵy Azamat Іzteleýovtiń atyna alǵys aıtqan hat jazyp, A.Tóleevti marapattaýdy ótingen.

Qazirgi kezde Abylaı Tóleev aýrýhanada emdelip jatyr.

Eske sala keteıik, budan buryn Oralda turǵyn úıdegi órtten 38 adamnyń qaýipsiz jerge shyǵarylǵanyn jazǵan bolatynbyz.