Valıýta baǵamdary:
    usd/kzt 476.18 eur/kzt 485.56

    rub/kzt 7.76 cny/kzt 70.34
Aýa raıy:
Nur-Sultan: 1 °S
Almaty: 15 °S

Oralda segizinshi qabattaǵy terezede turǵan 2,5 jastaǵy bala qutqaryldy

2022 jylǵy 22 maýsym 16:30

ORAL. QazAqparat – Oralda segizinshi qabattaǵy ashyq terezeden qarap turǵan 2,5 jastaǵy bala qutqaryldy, dep habarlaıdy QazAqparat tilshisi.

BQO Tótenshe jaǵdaı departamentiniń baspasóz qyzmetinen alynǵan málimetke qaraǵanda, oqıǵa búgin Qurmanǵazy kóshesi 33-mekenjaıynda ornalasqan toǵyz qabatty úıde boldy. Shaqyrtý saǵat 10.52-de túsken.

«2019 jylǵy bala úıde jalǵyz qalǵan. Kórshi áıel esikti ashaıyn dese, bala jylap, ashyq turǵan terezege júgirgen, sosyn qutqarýshylardy shaqyrǵan. Bala tereze men balkonnan qarap turǵan. Ony shoshytyp almaý úshin qutqarýshylar tóbeden balkon arqyly túsip, balany qutqaryp qaldy. Sodan keıin kelgen anasynyń qolyna tapsyrǵan. BQO TJ departamenti ata-analarǵa kishkentaı balalardy qaraýsyz qaldyrmaý kerektigin eske salady», dep habarlady vedomstvodan.

Eske sala keteıik, budan buryn BQO-da kúshti jeldiń 120 sharshy metr qora shatyryn julyp áketkenin jazǵan bolatynbyz.


Avtor:

Ǵaısaǵalı Seıtaq

Novostı po teme
Uqsas jańalyqtar
Seriktester jańalyqtary