Oralda poıyz qaǵyp ketken áıel aýrýhanaǵa jetkizildi
2021 jylǵy 4 qazan 11:40

Oralda poıyz qaǵyp ketken áıel aýrýhanaǵa jetkizildi

ORAL. QazAqparat – Oralda poıyz qaǵyp ketken áıel adam aýrýhanaǵa jetkizildi, dep habarlaıdy QazAqparat tilshisi.

Oblystyq densaýlyq saqtaý basqarmasy baspasóz qyzmetiniń habarlaýynsha, oqıǵa búgin shamamen saǵat 08.40-ta Jelaev kenti mańyndaǵy temirjolda boldy.

Shamamen 50 jastaǵy áıeldi poıyz qaǵyp ketti. Bas pen mıdyń ashyq jaraqatyn alǵan áıel qalalyq kópbeıindi aýrýhanaǵa jetkizildi.

QR ІІM Kóliktegi polıtsııa departamenti baspasóz qyzmetiniń naqtylaýynsha, áıel adam aýrýhanada qaıtys bolyp ketken.

Qazirgi kezde atalǵan derek boıynsha Oral stantsııasyndaǵy jelilik polıtsııa bóliminde QR QK 344- baby 2-bóligine (abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý) sáıkes sotqa deıingi tergeý amaldary bastaldy. Basqa

aqparat QR Qylmystyq-protsestik kodeksi 201-babynyń talaptaryna sáıkes jarııa etilmeıdi.

Eske sala keteıik , budan buryn Batys Qazaqstanda júk poıyzy 26 jastaǵy qyzdy qaǵyp ketkenin jazǵan bolatynbyz.



Jańalyqtar

MURAǴAT