Oralda polıtsııa jol-kólik oqıǵasyn vıdeoǵa túsirgen blogerdi ne úshin ustaǵanyn túsindirdi

ORAL. QazAqparat - Oralda jol-kólik oqıǵasyn vıdeoǵa túsirgen bloger ustaldy, dep habarlaıdy QazAqparat tilshisi.

Uqsas jańalyqtar

Aqtaýda eki júkti áıel jol apatynan zardap shekti

Qyzylordada kólik apatynan eki adam kóz jumdy Oralda polıtseı kólikti soǵyp, jas kelinshek kóz jumdy Jambylda qalyń tuman kezinde 14 avtokólik bir-birine soqtyǵysqan

Aıbolat Bókenovtiń aıtýynsha, keshe Jáńgir han kóshesi men E.Brýsılovskıı kósheleri qıylysynda bolǵan jol-kólik oqıǵasyn vıdeoǵa túsirgen.

Onyń sózine qaraǵanda, «polıtsııa avtokóligi qyzdy qaǵyp ketti» degen habar kelgennen oqıǵa ornyna jetken.

«Osyǵan baılanysty departament bastyǵy Maqsuthan Ablazımovtan pikir surap edim. Ol vıdeoǵa túsirme dep, smartfonymdy tartyp alyp, «vıdeony joıyńdar» dep qasyndaǵy qyzmetkerge berdi. Sosyn «ustap, tekserińder» dedi. Sodan keıin narkologııalyq dıspanserge apardy. Onda jeńil dárejede ishimdik ishken degen qaǵaz berdi. Syra ishkenim ras. Sodan keıin Zachagan polıtsııa bóliminde úsh saǵat ustap, QR Ákimshilik quqyqbuzýshylyq kodeksiniń 667-babyna sáıkes (polıtsııa qyzmetkerlerine baǵynbaǵany úshin) ákimshilik hattama toltyrdy. Keıin telefonymdy aldym», deıdi A.Bókenov.

Osy oqıǵaǵa baılanysty BQO polıtsııa departamenti óz pikir-paıymyn bildirdi.

Departamenttiń baspasóz qyzmeti taratqan málimdemege qaraǵanda, A.Bókenov oqıǵa ornyna kelgende, polıtsııa qyzmetkerleri tergeý amaldaryn júrgizip jatqan. A.Bókenov óz is-áreketterimen buǵan kedergi keltirgen. Vıdeoǵa túsiremin dep jolǵa da birneshe ret shyǵyp, qaýpsizdik talaptaryn saqtamaǵan. Polıtsııa qyzmetkerleri birneshe ret eskertý jasaǵanymen, ony tyńdamaǵan. Sondyqtan ony bógeýge týra kelgen.

Medıtsınalyq kýálandyrý qorytyndysyna sáıkes A.Bókenov jeńil dárejede mas kúıinde bolǵan.

«A.Bókenovtiń qoǵamdyq orynda osylaı júrýi birinshi ret emes. Ol sońǵy úsh jylda birneshe ret ákimshilik jaýapkershilikke tartylǵan», dedi departamenttiń baspasóz qyzmeti.

Eske sala keteıik, budan buryn Oralda polıtsııa avtokóliginiń 21 jastaǵy qyzdy qaǵyp ketkenin jáne keıin polıtsııa qyzmetkerine qatysty qylmystyq is qozǵalǵanyn jazǵan bolatynbyz.