+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Oralda oq atyp, adam óltirýge oqtalǵan turǵyn uzaq merzimge sottaldy

2021 jylǵy 8 shilde 15:32
Bólisińiz:
Oralda oq atyp, adam óltirýge oqtalǵan turǵyn uzaq merzimge sottaldy

ORAL. QazAqparat – BQO qylmystyq ister jónindeni mamandandyrylǵan aýdanaralyq sotynda Raıymbek Serikov, Alpamys Násipqalıev jáne Aıdos Baıanǵalıevke qatysty úkim shyqty, dep habarlaıdy QazAqparat tilshisi.

Uqsas jańalyqtar
Elordada kishkentaı qyzǵa tıisti degen kúdikpen er adam ustaldy Semeıde qonaq úıde psıhotroptyq zattar saqtaǵan Qostanaı turǵyny ustaldy SQO-da mal urlady degen kúdikpen Kókshetaý qalasynyń úsh turǵyny ustaldy

Sýdıa Shara Zaınýllınanyń málim etkenindeı, R.Serikov Qylmystyq kodekstiń 24-baby 3-bóligi, 99-baby 2-bóligi 9-tarmaǵymen (buzaqylyq nıetpen adam óltirýge oqtalý), 293-baby 3-bóligi 2-tarmaǵymen, 58-baby 4-bóligimen (aldyn ala sóz baılasý arqyly adamdar toby bolyp, azamattarǵa kúsh jáne atys qarýyn qoldanyp buzaqylyq jasaý), 60-bap negizinde 15 jyl 2 aı merzimge bas bostandyǵynan aıyrý jazasyn qaýipsizdigi tótenshe qylmystyq-atqarý júıesi mekemesinde óteýge sottaldy.

A.Násipqalıev QR QK-niń 293-baby 3-bóligi 2-tarmaǵymen (aldyn ala sóz baılasý arqyly adamdar toby bolyp, azamattarǵa kúsh jáne atys qarýyn qoldanyp buzaqylyq jasaý) aıypty dep tanylyp, 3 jyl 6 aıǵa bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteýge kesildi.

A.Baıanǵalıevke QR QK-niń 293-baby 2-bóligi 1-tarmaǵyna (aldyn ala sóz baılasý arqyly adamdar toby bolyp, azamattarǵa kúsh qoldanyp buzaqylyq jasaý) sáıkes 2 jyl 6 aıǵa bas bostandyǵy shektelip, probatsııalyq baqylaý ornatyldy.

Sot tergeýinde anyqtalǵanyndaı, ótken jyly 20 qazanda saǵat 21.30 shamasynda «Beloe solntse» meıramhanasy janyndaǵy saıda sottalýshylar men jábirlenýshiler kezdesken. Sol jerde A.Násipqalıev myltyqpen úsh ret aspanǵa oq atqanda, jábirlenýshiler jan-jaqqa qasha jónelgen. A.Násipqalıev pen A.Baıanǵalıev jábirlenýshi Sh.Quljanovty qýyp jetip, soqqyǵa jyqqan. Al R.Serikov A.Násipqalıevten myltyqty alyp, tergeý anyqtamaǵan bir top adamǵa baǵyttap, úsh márte oq atqan.

Sosyn qashyp bara jatqan topty qýyp, «Kompot» ashanasynyń tusynda adam óltirý maqsatynda jábirlenýshi K.Abıtovty bir márte atyp, onyń sol jaq búıirin jaraqattaǵan.

K.Abıtov jaraqattanǵan kúıi «Kompot» ashanasy artyndaǵy «Plıt Servıs» JShS aýlasyna qaraı qashqan. R.Serikov taǵy bir márte oq atqanymen, tıgize almaǵan. K.Abıtov kúzetshiniń býdkasyna kirip, tyǵylǵan. R.Serikov myltyǵyn taǵy da oqtap, aýladan K.Abıtovti izdegenimen, taba almaǵan.

Sottalýshylar A.Násipqalıev pen A.Baıanǵalıev taǵylǵan aıypty tolyq moıyndady. R.Serikov ishinara moıyndap, jábirlenýshini óltirý emes, qorqytý maqsatynda oq atqanyn málimdedi.

Sottalýshylardyń kinási olardyń sotqa deıingi jáne sotta bergen, sondaı-aq jábirlenýshilerdiń, kýálardyń jaýabymen, oqıǵa ornyn qarap tekserý hattamalarymen, sot-medıtsınalyq saraptama qorytyndylarymen, sot talqylaýynda qaralǵan «Plıt Servıs» JShS-nyń syrtynda ornalasqan kameranyń beınetaspasy jáne basqa da is materıaldarymen dáleldengen.

Prokýrordyń talap aryzy boıynsha jábirlenýshi K.Abıtovtiń statsıonarlyq emine jumsalǵan 278 384,24 teńge R.Serikovten tolyqtaı óndirildi.

Sot úkimi zańdy kúshine engen joq.

Eske sala keteıik, budan buryn Oralda jastar tóbelesip, bir adamǵa oq tıgenin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT