+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Oralda ógeı ákesin óltirgen jasóspirim qyz ben onyń dosy sottaldy

2020 jylǵy 23 qańtar 09:24
Bólisińiz:
Oralda ógeı ákesin óltirgen jasóspirim qyz ben onyń dosy sottaldy

ORAL. QazAqparat – Oralda ógeı ákesin óltirgen jasóspirim qyz ben onyń dosy uzaq merzimge sottaldy, dep habarlaıdy QazAqparat tilshisi.

Uqsas jańalyqtar
200-den astam sot sarapshysy shetelde biliktiligin arttyrdy Almatyda eki balany zorlaǵan pedofılge hımııalyq kastratsııa jasalady Tońazytqyshta ólgen sábı oqıǵasy: Úshinshi dáriger ustaldy

BQO qylmystyq ister jónindegi mamandandyrylǵan aýdanaralyq sotynan túsken málimetke qaraǵanda, 17 jastaǵy Irına Lapına men 19 jastaǵy Nurhan Maqsot QR QK 99-baby 2-bóligi 7-tarmaǵyna (adamdar tobymen qasaqana adam óltirý) sáıkes aıypty dep tanyldy.

Oqıǵa ótken jylǵy 12 tamyz kúni Oral qalasyndaǵy Komıntern kentinde bolǵan.

Jasóspirimniń anasy Veronıka Lapına tún ortasynda Irınaǵa habarlasyp, azamattyq nekedegi, birge turatyn eri E.Esqalıevtiń mas kúıinde janjal shyǵaryp, tórt jasar qyzy ekeýin dalaǵa qýyp jibergenin jetkizgen. Báıterek aýdany Úlken Shaǵan aýylynda dosy N.Maqsotpen júrgen I.Lapına sol boıda jolǵa shyǵyp, úıine jetedi. Anasyn jaqtaǵan ol ógeı ákesiniń betine soqqy jumsaıdy. N.Maqsot ta sómkesinde júrgen qoloraqtyń úshkir tusymen oń ıyǵynan urady.

Budan keıin er adamdy qaldyryp, bári sol aýyldaǵy tanystarynyń úıine ketedi. Biraq saǵat 03.00 shamasynda I.Lapına N.Maqsotpen birge qaıta oralyp, E.Esqalıevti oıatyp, anasynan keshirim suraýdy talap etedi. Taǵy da janjal týyndap, ekeýi E.Esqalıevti basynan, denesinen qoloraqpen, sháınekpen, tabamen jáne baltamen uryp-soqqan. Alǵan jaraqattary saldarynan 40 jastaǵy jábirlenýshi oqıǵa ornynda kóz jumǵan.

Sýdıa Shara Zaınýllınanyń aıtýynsha, qaladaǵy keshki mekteptiń 10-synybynda oqyǵan I.Lapına men esh jerde jumys jasamaǵan N.Maqsottyń aıyptary tolyqtaı dáleldendi.

Sot úkimimen N.Maqsot 15 jylǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge sottaldy. Al I.Lapına 9 jylǵa bas bostandyǵynan aıyrý jazasyn kámeletke tolmaǵandardy ustaýǵa arnalǵan qaýipsizdigi ortasha qylmystyq-atqarý júıesi mekemesinde óteıtin bolady.

Sot úkimi kúshine engen joq.

Eske sala keteıik, budan buryn Oralda áıeli kúıeýin pyshaqtap óltirgenin jazǵan bolatynbyz.



Bizdiń kanalymyzǵa jazylyńyz:

Basty sózder: Batys Qazaqstan oblysy, Sot, Oqıǵa,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT