+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Oralda qyzdy qaǵyp ketken polıtseıge qatysty qylmystyq is qozǵaldy

2019 jylǵy 19 qarasha 14:09
Bólisińiz:
Oralda qyzdy qaǵyp ketken polıtseıge qatysty qylmystyq is qozǵaldy

ORAL. QazAqparat – Oralda qyzdy qaǵyp ketken polıtsııa qyzmetkerine qatysty qylmystyq is qozǵaldy, dep habarlaıdy QazAqparat tilshisi.

BQO Polıtsııa departamentiniń baspasóz qyzmetinen túsken málimetke qaraǵanda, oqıǵa keshe saǵat 22.30-da Jáńgir han men E.Brýsılovskıı kósheleriniń qıylysynda boldy.

Patrýldik qyzmet ınspektory, polıtsııa aǵa leıtenanty, 26 jastaǵy Rınat Baımuqashev qyzmettik kóligimen Oral qalasynda turatyn 21 jastaǵy júrginshini qaǵyp ketken.

Túrli jaraqat alǵan boıjetken qalalyq kópbeıindi aýrýhananyń travmatologııalyq bólimshesine jatqyzyldy. Ol ashyq bas-mı jaraqatyn alǵan, bas súıegine, mıyna zaqym kelgen, sondaı-aq oń jaq buǵanasy synǵan.

Qazirgi kezde R.Baımuqashevqa qatysty QR QK-niń 345-baby 2-bóligi (jol erejesin buzý) boıynsha qylmystyq is qozǵalyp, tergeý amaldary júrgizilýde.

«Sonymen qatar tártiptik komıssııanyń sheshimimen ol qyzmet tártibin óreskel buzǵany úshin ishki ister organdarynan shyǵaryldy. Sondaı-aq onyń tikeleı komandırleri men basshysy tártiptik jaýapkershilikke tartyldy», - dep habarlady BQO Polıtsııa departamentiniń baspasóz qyzmetinen.

Oǵan qosa, departament basshylyǵy zardap shekken Larısa Beıisovanyń týysqandarynan qaraýyndaǵy qyzmetkerdiń is-áreketi úshin keshirim surap, oǵan barynsha járdem kórsetiletinin jetkizdi.

Eske sala keteıik, budan buryn Oralda polıtsııa avtokóliginiń 21 jasar qyzdy qaǵyp ketkenin jazǵan bolatynbyz.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT