+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Oralda kúıshi-kompozıtor Tuıaqberdi Shámelov atyndaǵy tuńǵysh respýblıkalyq baıqaý márege jetti

2021 jylǵy 12 qyrkúıek 04:00
Bólisińiz:
Oralda kúıshi-kompozıtor Tuıaqberdi Shámelov atyndaǵy tuńǵysh respýblıkalyq baıqaý márege jetti

ORAL. QazAqparat – Oralda belgili kúıshi-kompozıtor, Qazaqstannyń halyq ártisi, «Qurmet» ordeniniń ıegeri, professor Tuıaqberdi Shámelovtiń 70 jyldyǵyna oraı І respýblıkalyq ánshiler men dombyrashylar baıqaýy márege jetti, dep habarlaıdy QazAqparat tilshisi.

Uqsas jańalyqtar
Aqtóbede Tabyldy Dosymovtyń shyǵarmashylyǵyna arnalǵan án baıqaýy ótti Aqtóbede Tólegen Aıbergenov pen Shámshi Qaldaıaqovqa eskertkish ornatyldy Batys Qazaqstanda 25 naýqas jansaqtaý bóliminde jatyr

Ǵ.Qurmanǵalıev atyndaǵy BQO fılarmonııasy uıymdastyrǵan konkýrs maqsaty – qazaqtyń ulttyq aspaby dombyraǵa degen jastardyń yntasyn arttyrý, oryndaýshylardyń repertýaryn kúılermen tolyqtyryp, Tuıaqberdi Shámelovtiń shyǵarmashylyǵyn nasıhattaý.

Eki kúnge sozylǵan saıysqa respýblıka óńirlerinen, Oral qalasy men BQO aýdandarynan 30 úmitker án jáne kúı janry boıynsha qatysyp, baq synady.

Baıqaýda tanymal dırıjer, qazylar alqasynyń tóraǵasy, Qazaqstannyń eńbek sińirgen qaıratkeri, «Parasat» ordeniniń ıegeri Aıtqalı Jaıymov bastaǵan óner maıtalmandary tórelik etti.

Qatysýshylar Tuıaqberdi Shámelovtiń kúıleri men ánderin oryndady. Sondaı-aq dombyrashynyń repertýaryndaǵy kúılerdi tartty.

Konkýrs qorytyndysynda kúı janrynan Atyraý oblysynyń Qulsary qalasynan kelgen Qaırat Jumaǵalıev bas júldeni jeńip aldy. Batys Qazaqstan oblysynyń túlegi, qazir Almatyda turatyn Aqylbek Bektasov birinshi, shymkenttik Súndet Abdýljabbarov pen atyraýlyq Jánibek Jámıev ekinshi, oraldyq Turlyhan Ábýhanov, taldyqorǵandyq Muhıt Múken, taǵy bir atyraýlyq Nazerke Bazarbaeva úshinshi orynǵa ıe boldy. Atyraýlyq Nurlybek Nájekenov dıplomant atansa, almatylyq Nurǵalı Áshimhan T.Shámelov atyndaǵy arnaıy júldeni qanjyǵasyna baılady.

Án janrynan oraldyq dýet Dastan Esentemirov pen Ernar Ómirálige teń keler eshkim bolmady. Almatylyq Ásem Áýbákirova birinshi, shymkenttik Óserbaı Bórihanov pen oraldyq Aıbek Turarbekov ekinshi, Jánibek aýdanynan Raıymbek Kárimov, Bókeı ordasynan Janargúl Qýanysheva úshinshi orynǵa kóterildi. Qaratóbelik Tańat Jeksenbaev dıplomant atanyp, bórlilik Gúlsezim Qýanyshqalıeva «Kórermender kózaıymy» atalymymen, shyńǵyrlaýlyq Ańsaǵan Hıbashev T.Shámelov atyndaǵy arnaıy júldemen marapattaldy.

T.Shámelovtiń zaıyby Jansáýle Shámelovaǵa da qurmet kórsetildi.

Gala-kontsertte festıval laýreattary men qazylar alqasynyń músheleri óner kórsetip, kompozıtordyń týyndylaryn oryndady.

Kúıshi-kompozıtor, Qazaqstan halyq ártisi, Qurmanǵazy atyndaǵy Qazaq memlekettik akademııalyq ult aspaptar orkestriniń bas kontsertmeısteri ári kórkemdik jetekshisi bolǵan Tuıaqberdi Shámelovtiń 70 jyldyǵyna arnalǵan is-sharalar týǵan jeri – Jańaqala aýdanynda bastalyp, osylaısha Oral qalasynda túıindeldi.

Mereıtoı aıasynda BQO mádenıet basqarmasy men fılarmonııanyń qoldaýymen «Tuıaqberdi Shámelovtiń partıtýralary» atty partıtýralar jınaǵy jaryq kórip, tusaýy kesildi. Avtory – dırıjer, kompozıtor, memlekettik «Daryn» syılyǵynyń laýreaty, «Qurmet» ordeniniń ıegeri Erkin Nurymbetov.

Eske sala keteıik, budan buryn Muhıt Meráliulynyń 180 jyldyǵyna arnalǵan respýblıkalyq ánshiler baıqaýy márege jetkenin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT