+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Oralda qatardaǵy jaýynger ózin atyp tastady

2021 jylǵy 16 maýsym 12:43
Bólisińiz:
Oralda qatardaǵy jaýynger ózin atyp tastady

ORAL. QazAqparat – Oralda qatardaǵy jaýynger ózine qarýdan oq atyp, kóz jumdy, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵynyń baspasóz qyzmeti málim etkenindeı, oqıǵa 16 maýsym kúni shamamen tańǵy saǵat 05.30-da boldy.

Aqtóbe qalasynan shaqyrylǵan 5517-áskerı bóliminiń merzimdi qyzmet áskerı qyzmetshisi, qatardaǵy jaýynger Q. qaraýylda qyzmet atqarý kezinde bekitilgen qarýdan ıegine oq atyp, ózin-ózi jaralady.

Jedel járdem brıgadasymen áskerı qyzmetshi aýrýhanaǵa jetkizildi. Medıtsına qyzmetkerleri shuǵyl qoldanǵan sharalarǵa qaramastan, qatardaǵy jaýyngerdi aman alyp qalý múmkin bolmady.

«Batys» óńirlik qolbasshylyǵy marqumnyń týma-týysqandaryna qaıǵylaryna ortaqtasyp, kóńil aıtady.

BQO densaýlyq saqtaý basqarmasy baspasóz qyzmetiniń naqtylaýynsha, 2000 jylǵy áskerı qyzmetshi ıek tusynan oq jaraqatyn alyp, oblystyq kópbeıindi aýrýhananyń jansaqtaý bólimine túsken.

Eske sala keteıik, budan buryn Oralda kólikpen soqtyǵysqan mototsıkldiń 15 jastaǵy júrgizýshisi mert bolǵanyn jazǵan edik.



Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT