Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.05 EUR 428.25
RUB 5.84 CNY 54.65
Jańalyqtar

Oralda halyqaralyq «Atameken» án festıvaliniń jeńimpazdary anyqtaldy

2019 jylǵy 17 shilde 18:44 434
Bólisińiz:
Oralda halyqaralyq «Atameken» án festıvaliniń jeńimpazdary anyqtaldy

ORAL. QazAqparat – Oralda QR halyq ártisi, Memlekettik syılyqtyń laýreaty, «Otan» ordeniniń ıegeri, ánshi-kompozıtor Eskendir Hasanǵalıevtiń ánderin oryndaýshylardyń HІ halyqaralyq «Atameken» án festıvali márege jetti, dep habarlaıdy QazAqparat tilshisi.

Eki kúnge sozylǵan dástúrli óner báıgesine Qazaqstannyń Nur-Sultan, Almaty, Qyzylorda, Qaraǵandy, Taraz, Semeı, Óskemen, Qostanaı, Aqtóbe, Atyraý, Oral qalalary men Ózbekstannan barlyǵy 29 ánshi qatysty.

Úmitkerler eki kúnge sozylǵan án dodasynda birinshi jáne ekinshi kezeńde baq synady.

Saıys qorytyndysynda estrada jáne romans atalymy boıynsha úzdik shyqqandar anyqtaldy.



Sonymen, estradadan oraldyq Aıbek Dáýletqalıevtiń baǵy janyp, bas júldeni (650 myń teńge) jeńip aldy. Taǵy bir oraldyq Taras Jaýymbaev birinshi (450 myń teńge), nur-sultandyqtar Aıdyn Jumabaev ekinshi (350 myń teńge), Meıirjan Samyltyrov pen qaraǵandylyq Samat Shonov úshinshi (200 myń teńgeden) orynǵa ıe boldy. Dıplomant atanǵan ózbekstandyq Rahım Orynǵalıev, atyraýlyq Aıdanaq Saǵyndyq, aqtóbelik Ernar Dúıseevke 100 myń teńgeden berildi.

Romanstan tarazdyq Dinmuhamed Kóshkinbaev oza shaýyp, bas báıgeni qanjyǵasyna baılady. Almatylyqtar Erjan Jumanııazov birinshi, Jandarbek Erkinbaev ekinshi, óskemendik Maqsat Samatov úshinshi dárejeli dıplommen marapattaldy. Al qostanaılyq Gúlbaqyt Jańbyrbaeva men tarazdyq Sáýle Jýatbekova dıplomanttar qatarynan kórindi. Bulardyń bárine de estrada janrymen birdeı kólemde aqshalaı syılyqtar tabys etildi.



Ánshi-kompozıtor Eskendir Hasanǵalıev uıymdastyrýshylar men Aq Jaıyq jurtshylyǵyna alǵysyn aıta otyryp, bıylǵy festıvalge qatysýshylardyń jan-jaqtan, tipti Ózbekstannan kelgendigin jetkizdi.

«Ónerli jastar barda dástúrli festıvaldiń jalǵasatynyna senemin. Bıylǵy úmitkerlerdiń taǵy bir ereksheligi, sırek oryndalatyn ánderimdi sahnaǵa shyǵarýy boldy. Bul olardyń izdengishtigin tanytady. Júlde almaǵandarǵa aıtarym, alda da óner dodalary jetedi, soǵan jaqsylap daıyndala bilseńder, báıgeden keletinderiń anyq. Bıyl men 79-ǵa keldim. Sondaı jastyń bıigine shyqsam da, izdenisimdi toqtatqan joqpyn. Kelesi jyly festıvaldiń budan da deńgeıi joǵarylap, aýqymdy óteri anyq», dedi E.Hasanǵalıev.



Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT