+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Oralda gemodıalız ortalyǵy jańa qonysqa kóshti

2020 jylǵy 24 qyrkúıek 13:50
Bólisińiz:
Oralda gemodıalız ortalyǵy jańa qonysqa kóshti

ORAL. QazAqparat – Oralda gemodıalız ortalyǵy jańa qonysqa kóshti, dep habarlaıdy QazAqparat tilshisi.

Uqsas jańalyqtar
Jambyldaǵy shalǵaı aýyldarǵa «Taza júrek» densaýlyq kerýeni attandy Tarazdyq dárigerler endoprotez qoıýdyń jańa túrin oılap tapty Túrkistan oblysynyń dárigerleri operatsııanyń jańa túrin oılap tapty

Jıyrma jyl boıy oblys turǵyndaryna gemodıalız qyzmetin kórsetip kele jatqan ortalyq budan buryn tarlaý ǵımaratta ornalasqan edi.

Jańa ǵımarattyń ashylý rásimine qala ákimi Abat Shynybekov, BQO densaýlyq saqtaý basqarmasynyń basshysy Bolatbek Qaıýpov qatysty. «BIOS» JShS ortalyǵynyń bas dırektory Jeńis Alkın meımandarǵa emdelýshilerge qandaı qyzmet kórsetiletinin aıtyp berdi.

Ortalyqtyń medıtsına dırektory Nurtas Birmanovtyń sózine qaraǵanda, munda qazir 45 oraldyq turǵyn esepte turady. Olardy keste boıynsha arnaıy kólik alyp kelip, aparyp tastaıdy. Ortalyqta 2 dáriger, 4 medbıke jáne 4 sanıtar qyzmet etedi. Bir aýysymda (kúnine 3 aýysym 4 saǵattan) 10 emdelýshi qabyldanady. Olar úshin barynsha jaǵdaı jasalǵan. Gepatıti bar naýqastar úshin bólek bólme men arnaıy qural-jabdyqtar qarastyrylǵan.


Germanııalyq «BBraun» jáne japonııalyq «Nipro» kompanııalarynyń 10 apparaty besinshi satydaǵy sozylmaly búırek jetispeýshiligi bar naýqastardy qabyldaýǵa múmkindik beredi.

Oblystyq densaýlyq saqtaý basqarmasynyń basshysy Bolatbek Qaıýpovtyń naqtylaýynsha, oblysta osyndaı 5 medıtsınalyq ortalyq bar. Óńirde búıregi aýyratyn jáne ony almastyrýǵa kezek kútip jatqan 250-deı naýqas bar.

Olardyń densaýlyǵyn qalypty ustaý úshin ortalyq qyzmetkerlerine jumystan tys ýaqytta da eńbek etýge týra kelýde. Aıtalyq, atalmysh ortalyq qyzmetkerleriniń jumys ýaqyty 15 saǵattan asyp ketedi. Sondyqtan mundaı ortalyqtar sany kóbeıse, qyzmet sapasy da artary sózsiz.

Eske sala keteıik, budan buryn BQO-da qus tumaýynyń aldyn alý sharalary júrgizilip jatqanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT