Oralda esirtkini jasyryn jarnamalaý máselesi talqylandy

ORAL. QazAqparat – Oralda esirtkini jasyryn jarnamalaý máselesin talqylandy, dep habarlaıdy QazAqparat tilshisi.

«Ǵımarattar mańdaıshalaryndaǵy esirtkiniń jasyryn jarnamasy máselesi: onymen qalaı tıimdi kúresýge bolady» degen taqyrypta ótken dóńgelek ústel otyrysyna Qazaqstan halyq partııasynyń belsendi múshelerimen qatar oblystyq polıtsııa departamenti, BQO qoǵamdyq keńesiniń ókilderi qatysty.

Qazaqstan halyq partııasy oblystyq komıtetiniń birinshi hatshysy Súıinǵalı ıArlygasımovtyń aıtýynsha, onlaın jıynǵa qatysýshylar bul máselege jurtshylyqtyń nazaryn aýdara otyryp, esirtki jarnamasyna tosqaýyl qoıý kerektigi týraly toqtamǵa keldi.

Onyń sózine qaraǵanda, muny sheshý úshin eń aldymen esirtki zattaryn jarnamalaýmen aınalysatyn adamdardy anyqtaý jumystaryn kúsheıtý qajet. Sonymen qatar esirtkini taratyp, nasıhattaǵany úshin qylmystyq jazany qatańdata túsý kerek.

«Mektepter men JOO-larda jasóspirimder men jastar arasynda esirtkige qarsy nasıhatty kúsheıtip, onyń zııany jóninde arnaıy pán engizse de artyq bolmas edi. Barlyq azamattardy zań buzylǵan jaǵdaıda habarlandyrýlardy sýretke túsirip, 102 telefonyna habarlap, polıtsııanyń kelýin kútýge shaqyramyz. Sondaı-aq esirtki zattarynyń tyıym salynbaǵan, jańadan shyǵyp jatqan túrlerine tosqaýyl qoıý qajet», dedi S.ıArlygasımov.

Eske sala keteıik, budan buryn oraldyq kommýnısterdiń AEK kólemin toqsan saıyn ózgertýdi usynǵanyn jazǵan bolatynbyz.