+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Oralda dzıýdodan Oralbek Qojageldındi eske alýǵa arnalǵan respýblıkalyq týrnır ótýde

2019 jylǵy 12 jeltoqsan 21:44
Bólisińiz:
Oralda dzıýdodan Oralbek Qojageldındi eske alýǵa arnalǵan respýblıkalyq týrnır ótýde

ORAL. QazAqparat – Oralda BQO-nyń túıe palýany, «Syrym» kúres mektebiniń negizin qalaýshy Oralbek Qojageldındi (1964-1999) eske alýǵa arnalǵan dzıýdodan 2005-2006 jylǵy jasóspirimder arasynda respýblıkalyq ashyq týrnır ótýde, dep habarlaıdy QazAqparat tilshisi.

BQO sport jáne dene shynyqtyrý basqarmasynan túsken málimetke qaraǵanda, dástúrli jarystyń uıymdastyrylyp kele jatqanyna jıyrma jyldyń júzi boldy.

Bıylǵy dodaǵa Atyraý, Mańǵystaý, Aqtóbe, Shyǵys Qazaqstan jáne Batys Qazaqstan oblystarymen qatar Reseı men Qyrǵyzstannan 230 balǵyn dzıýdoshy qatysýda.

Jarystyń alǵashqy kúni myna sportshylar óz salmaq dárejelerinde jeńimpaz atandy: Ámir Saparǵalı (35 kg, Oral qalasy, sport-ınternat), Ergen Satybaldıev (38 kg, BQO, Qaztalov aýdany), Tabyldy Bıǵambaev (42 kg, Atyraý), Aıat Alpysbaı (46 kg, Aqtóbe), Qaısar Samıǵolla (50 kg, Oral, jekpe-jek sport mektebi).

13 jeltoqsan kúni márege jetetin týrnır júldegerlerine aqshalaı syılyqtarǵa qosa sport sheberligine úmitker ataǵy beriledi.

Aıta keteıik, ómirden erte ketken Oralbek Qojageldın dzıýdo, sambo jáne qazaq kúresimen aınalysqan tanymal sport sheberi edi. Sonymen qatar ol Oral qalasynda «Syrym» kúres mektebin quryp, óziniń izin basatyn shákirtterin tárbıeledi.

Bizdiń kanalymyzǵa jazylyńyz:

Basty sózder: Batys Qazaqstan oblysy, Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT