+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Oralda bıylǵy oblystyq tamyz máslıhaty tikeleı baılanys túrinde ótkizildi

2009 jylǵy 26 tamyz 10:25
Bólisińiz:

ORAL. Tamyzdyń 26-sy. QazAqparat /Ǵaısaǵalı Eraly/ - Tamyzdyń 25-inde daryndy balalarǵa arnalǵan S.Seıfýllın atyndaǵy №11 oblystyq mektep-ınternaty kesheninde oblys bilim berý qyzmetkerleriniń tamyz máslıhaty boldy,

dep habarlaıdy QazAqparat tilshisi.

«On-line» túrinde ótken konferentsııaǵa qatysqan oblys ákiminiń orynbasary Nurlan Noǵaev Elbasy Joldaýyna sáıkes bilim berý salasy qyzmetkerleri aldynda turǵan mindetterdi atap kórsetti. Elimizdegi bilim berý júıesi birtindep alǵa basyp keledi. Batys Qazaqstan oblysy bıylǵy UBT qorytyndysynda respýblıka boıynsha úshinshi orynǵa qol jetkizdi. Bul - sóz joq, ustazdar eńbeginiń nátıjesi.

Keńeste jańa oqý jylyna daıyndyq, 12 jyldyq oqytýǵa kóshý jaıy jáne basqa máseleler jan-jaqty talqylandy. Jıynnyń «On-line» túrinde uıymdastyrylýy sektsııalyq otyrystardyń bir mezgilde júrýine múmkindik berdi.

Tikeleı baılanysqa shyqqan aýdandar basshylary men bilim berý qyzmetkerleri ótken oqý jylyndaǵy jumystardy saralap, sonymen birge usynys-tilekterin de bildirdi. Mysaly, bókeıordalyqtar oblys basshylyǵynan bala sanynyń artýyna oraı aýdan ortalyǵy Saıqynnan aldaǵy jyly balabaqsha ǵımaratyn salyp berýdi ótinse, tasqalalyqtar 300 oryndyq mektep pen 100 oryndyq balabaqsha qurylysynyń bıyl bastalatynyna rızashylyqtaryn bildirdi.

Ozat ustazdar men bilim ordalarynyń basshylary oblys ákiminiń alǵyshatymen, Y.Altynsarın atyndaǵy medalmen marapattalsa, birqatary QR bilim berý salasynyń qurmetti qyzmetkeri ataǵyna ıe boldy.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER

MURAǴAT