Oralda avtokólik pen mototsıkl túıisip, eki júrgizýshi qaza tapty
2021 jylǵy 18 maýsym 17:10

Oralda avtokólik pen mototsıkl túıisip, eki júrgizýshi qaza tapty

ORAL. QazAqparat – Oral qalasynda avtokólik pen mototsıkl túıisip, eki júrgizýshi qaza tapty, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkendeı, 18 maýsym kúni shamamen saǵat 15.03-te Báıterek aýdany Beles aýyly baǵytyndaǵy aınalma jolda boldy.

«Folksvagen Passat» avtokóligi (júrgizýshisi 1959 jylǵy er adam) men mototsıkl (júrgizýshisi 1990 jyly týǵan) soqtyǵysqan.

Jol apaty saldarynan eki júrgizýshi de oqıǵa ornynda mert boldy.

Qazirgi kezde oqıǵa ornynda polıtsııa qyzmetkerleri jumys jasap, mán-jaıdy anyqtap jatyr.

Eske sala keteıik, budan buryn Oralda kólikpen soqtyǵysqan mototsıkldiń 15 jastaǵy júrgizýshisi mert bolǵanyn, jedel járdem kóligi ekskavatormen túıisip, eki adamnyń aýrýhanaǵa jatqyzylǵanyn jazǵan edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT