+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Oralda aýrýhanada jatqan 65 jastaǵy er adam úshinshi qabattan sekirip kóz jumdy

2021 jylǵy 23 maýsym 08:44
Bólisińiz:
Oralda aýrýhanada jatqan 65 jastaǵy er adam úshinshi qabattan sekirip kóz jumdy

ORAL. QazAqparat – Oralda aýrýhanada jatqan 65 jastaǵy er adam úshinshi qabattan sekirip ketken, dep habarlaıdy QazAqparat tilshisi.

Uqsas jańalyqtar
Almaty turǵynynyń ózine qol jumsaýyna sebepshi bolǵan tergeýshi 2 jylǵa sottaldy

BQO densaýlyq saqtaý basqarmasynyń baspasóz qyzmeti málim etkendeı, oqıǵa 22 maýsym kúni tańda boldy.

«65 jastaǵy er adam arterıaldy gıpertenzııa dıagnozymen 20 maýsym kúni qalalyq kópbeıindi aýrýhanaǵa túsken. 21 maýsym kúni aýrýhanadan shyǵýǵa suranǵan, biraq zaıyby qalǵanyn jón dep sanaǵan. Dárigerler er adamnyń aýrýhanaǵa túsken kezde kóńil kúıiniń túsińki, qapaly ekenin ańǵarǵan. Sol sebepti psıhologtyń keńesine júginý kerek dep tapqan. Anyqtalǵandaı, ol jarty jyl buryn balasynan aıyrylyp, sodan aıyǵa almaǵan. 22 maýsym kúni tańerteń 06.30-da dárigerler qan qysymyn ólshep, qaraǵannan keıin palatada qalǵan. Úshinshi qabattan sekirip ketken ony saǵat 06.57-de sanıtar tapqan. Dereý maman dárigerler brıgadasy (hırýrg, travmatolog jáne basqalar) shaqyrylyp, emdelýshi jansaqtaý bólimine jetkizilgen. Dárigerler eki saǵat boıy onyń ómiri úshin kúreskenimen, ajalǵa qarsy tura almady. Áıeline habar berilip, polıtsııa shaqyrtyldy», dep habarlady vedomstvodan.

BQO polıtsııa departamentiniń baspasóz qyzmeti oqıǵanyń mán-jaıy anyqtalyp jatqanyn, QR QK 105-babyna (ózin-ózi óltirýge deıin jetkizý) sáıkes qylmystyq is qozǵalyp, tergeý amaldary júrgizilip jatqanyn málimdedi.

Eske sala keteıik, budan buryn Oralda basynan aýyr jaraqat alǵan er adamnyń kóz jumǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT