+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Oralda 5 jasar qyzyn qylǵyndyryp óltirgen áıelge úkim shyqty

2019 jylǵy 19 jeltoqsan 20:55
Bólisińiz:
Oralda 5 jasar qyzyn qylǵyndyryp óltirgen áıelge úkim shyqty

ORAL. QazAqparat – BQO qylmystyq ister jónindegi mamandandyrylǵan aýdanaralyq sotynda bes jasar qyzyn qylǵyndyryp óltirgen áıelge qatysty sheshim shyqty, dep habarlaıdy QazAqparat tilshisi.

Uqsas jańalyqtar
Qyzylordada adam óltirdi degen kúdikpen jasóspirim ustaldy Petropavlda kisi óltirgenderge sot úkimi shyqty Oralda Jaıyq ózeni jaǵasynan er adamnyń múrdesi tabyldy

Sýdıa Baqyt Ermahanov málim etkendeı, qaıǵyly oqıǵa ótken jyly 12 jeltoqsan kúni Oralda bolǵan.

Shızofrenııa túrindegi sozylmaly psıhıkalyq dertpen naýqastanatyn 1983 jylǵy Zámzagúl Ermuhanova óziniń úıinde 2013 jylǵy qyzy Aıarý Jumaǵalımen birge sabaq tapsyrmalaryn oryndaǵan.

Sodan keıin qyzy «Kettik, jata turaıyq» dep ótingen. Tórgi bólmede tósekte jatqan kezde anasyna erkelep aıtqan «emem» degen sózin kótere almaı, Zámzagúl qyzyn eki qolymen moınynan qylǵyndyryp óltirgen.

Sottalýshynyń zańdy ókili, anasy Ásemgúl Jeksenova qyzynyń oǵash qylyqtaryn 17 jasynda baıqaǵanyn, oǵan kezinde mán bermegenin aıtty.

Z.Ermuhanovanyń óz qyzyn qasaqana óltirgeni zańdy ókili men kýálerdiń sotta bergen jaýaptary, saraptama qorytyndylarymen jáne is qujattarymen tolyq dáleldendi. Degenmen onyń qylmysty esi durys emes kúıinde jasaǵany anyqtaldy.

Z.Ermuhanova psıhıatrııalyq mekemede jatqandyqtan, sot talqysy onyń qatysýynsyz júrgizildi.

Sot qaýlysymen Z.Ermuhanova QR QK 99-baby 2-bólimi 14-tarmaǵynda kózdelgen is-áreketti esi durys emes kúıinde jasaǵan dep tanylyp, qylmystyq jaýapkershilikten bosatyldy. Oǵan ıntensıvti baqylaıtyn mamandandyrylǵan psıhıatrııalyq statsıonarda májbúrlep emdeý taǵaıyndaldy.

Z.Ermuhanovaǵa psıhıkalyq kómek kórsetýge tıisti medıtsınalyq uıymǵa ornalastyrý jónindegi qaýipsizdik sharasy ózgerissiz qaldyryldy.

«Keshendi statsıonarlyq sot-psıhıatrııalyq saraptamaǵa sáıkes Zámzagúl Ermuhanova qylmysty jasaǵanǵa deıin de, odan keıin de, qylmysty jasaǵan kezde de shızofrenııa túrindegi psıhıkalyq aýytqýmen aýyrǵan», - dedi sýdıa B.Ermahanov.

Saraptamaǵa jáne advokatqa jumsalǵan 634 868,44 teńge protsestik shyǵyndar memleket esebine jatqyzyldy. Munyń sebebi - zańdy ókildiń (aılyq jalaqysy – 50 myń teńge) ony óteýge shamasy kelmeıdi.

Sottalýshynyń zańdy ókili sot qaýlysymen kelisetinin, qyzynyń qazir aýyr kúıde ekenin jetkizdi.

Bizdiń kanalymyzǵa jazylyńyz:

Basty sózder: Batys Qazaqstan oblysy, Sot, Oqıǵa, Zań,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT