Valıýta baǵamdary:
    usd/kzt 426.32 eur/kzt 496.24

    rub/kzt 6.04 cny/kzt 66.74
Aýa raıy:
Nur-Sultan: 4 °S
Almaty: 1 °S

Oralda 25 jastaǵy jigitti poıyz qaǵyp ketti

2021 jylǵy 28 maýsym 12:11

ORAL. QazAqparat - Oralda jolaýshylar poıyzy qaǵyp ketken 25 jastaǵy jigit qaza tapty, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa búgin tańmen Jelaev tas joly boıynda, «Kar sıtı» kesheni mańynda boldy.

Saǵat 09.10-da temirjol vokzalynyń kezekshisi jedel járdem shaqyrtty. Brıgada bes mınýttan keıin jetti. Bas pen mıdyń ashyq jaraqatyn alǵan 1996 jylǵy jigit qalalyq kópbeıindi aýrýhanaǵa jetkizildi. Alaıda ol ota ústinde kóz jumdy.

QR ІІM Kóliktegi polıtsııa departamentiniń baspasóz qyzmetinen túsken málimetke qaraǵanda, atalǵan derek QR QK 344-baby 1-bóligine (temirjol kóligi qozǵalysynyń qaýipsizdik qaǵıdalaryn buzý) sáıkes Oral stantsııasyndaǵy jelilik polıtsııa bóliminiń sotqa deıingi tergep-tekserýdiń biryńǵaı tiziliminde tirkeldi.

QR ІІM Kóliktegi polıtsııa departamenti atalǵan oqıǵanyń QR QK 344-baby 2-bóligine (abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý) sáıkes qaıta saralanǵanyn jetkizdi.

Eske sala keteıik, budan buryn BQO-da júk poıyzy qaǵyp ketken er adamnyń aýrýhanaǵa jetkizilgenin jazǵan bolatynbyz.


Avtor:

Eljan Eraly

Novostı po teme