+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Oral turǵyndary koronavırýsqa qarsy ekpeni kezekke turyp saldyryp jatyr

2021 jylǵy 8 shilde 21:01
Bólisińiz:
Oral turǵyndary koronavırýsqa qarsy ekpeni kezekke turyp saldyryp jatyr

ORAL. QazAqparat – Oralda turǵyndar koronavırýsqa qarsy ekpeni kezekke turyp qabyldap jatyr, dep habarlaıdy QazAqparat tilshisi.

Uqsas jańalyqtar
Pandemııamen kúres shtaby qyzmetkerlerge qatysty sanıtarııa talaptaryn qoldady Qyzylorda oblysynda vaktsına alǵandardyń 0,4% koronavırýs juqtyrdy BQO-da koronavırýspen aýrýhanaǵa túskenderdiń 95 paıyzy - vaktsına almaǵandar

Sońǵy kúnderi qalada jyljymaly egý pýnktterine kelýshiler sany artty.

Ámbebap dúkeni janynda turǵan avtobýsta adamdar eki kezekke turdy. Birinde qytaılyq, ekinshisinde – reseılik vaktsınany qabyldaýǵa tilek bildirgender.

Oral qalalyq №2 emhananyń jalpy tájirıbe dárigeri Roza Shuǵaevanyń aıtýynsha, munda kelýshiler «CoronaVac» jáne «Spýtnık V» vaktsınalarymen egilýde.

«Kún saıyn saǵat 08.00-den 20.00-ge deıin jumys jasaımyz. Qazaqstan bas memlekettik sanıtar dárigeriniń qaýlysy shyqqannan keıin kelýshiler sany kóbeıdi. Kúnine orta eseppen 150-ge deıin adamdy qabyldaýdamyz. Egiler aldynda qyzýy men qan qysymyn ólshep, qandaı da bir aýrýmen esepte tursa, sony bilemiz», dedi R.Shuǵaeva.


«Men egilýge Reseıden keldim. Qazaqstan azamatymyn, Reseıde kelisimshart boıynsha jumys jasaımyn. Biraq kórshi elde ımmıgranttardy ázirge ekpeıdi. Egilý kerek, áıtpese jumysqa bararda, poıyzben júrerde shekteýge tap bolamyz. Ekpe densaýlyq úshin de mańyzdy. Aýyr dertke shaldyqpas úshin de kerek», dedi Marına esimdi áıel.

BQO densaýlyq saqtaý basqarmasynyń málimetine qaraǵanda, 7 shilde vaktsınatsııa bastalǵannan beri turǵyndar ekpeni eń kóp alǵan kún boldy. Keshe oblys boıynsha 4705, qalada 3002 adam koronavırýsqa qarsy egildi.


Óńirde ekpe alǵandardyń jalpy sany 117834-ke jetti. Bul – oblys turǵyndarynyń 30 paıyzy. Jekelegen aýdandarda qarqyn budan da joǵary. Mysaly, Jánibek aýdanynda turǵyndardyń 56,5, Tasqalada 52,2 paıyzy egilgen. Olar ujymdyq ımmýnıtet qalyptastyrý úshin halyqtyń kem degende 60 paıyzy ekpe qabyldaý kerektigin jaqsy túsinedi.

Ásirese, medıtsına qyzmetkerleri (94 paıyz), muǵalimder (76 paıyz) jáne quqyq qorǵaý organdarynyń ókilderi (81 paıyz) belsendilik kórsetýde.

Eske sala keteıik, budan buryn Batys Qazaqstanda sońǵy tórt kúnde 730-dan astam adamnan koronavırýs anyqtalǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT