+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Oral ónerpazdary Qyrǵyzstanda ótken festıvalde bas júldeni jeńip aldy

2019 jylǵy 30 shilde 21:51
Bólisińiz:
Oral ónerpazdary Qyrǵyzstanda ótken festıvalde bas júldeni jeńip aldy

ORAL. QazAqparat - Batysqazaqstandyq ónerpazdar Qyrǵyzstanda ótken «Jeti Oguz juldyzdary» lV halyqaralyq konkýrs-festıvalinde Gran-prıdi jeńip aldy, dep habarlaıdy QazAqparat tilshisi.

Uqsas jańalyqtar
«Qazaqkontsert» jańa kontserttik maýsymnyń shymyldyǵyn ashty «Habar» agenttiginiń tapsyrysymen túsirilgen fılm TEFI syılyǵyna ıe boldy Elordada úzdik áskerı orkestrler synǵa túsedi

Atalmysh doda Qyrǵyz Respýblıkasynyń «Óńirlik damý» jylynyń aıasynda el ártisi, beldi akter Mýkambet Toktobaev pen respýblıka mádenıetiniń myqty qyzmetkeri, ánshi Elmıra Qaıypqyzynyń qurmetine arnaldy.

Uıymdastyrýshy, ánshi Qaırat Salmakeevtiń aıtýynsha, 25 shilde kúni bastalyp, 30-y kúni qorytyndylanǵan aıtýly sharaǵa Túrkııa, Reseı, Qazaqstan, Úndistan, Mońǵolııa, Qyrǵyzstan, Saha (ıAkýtııa), Tyva (Týva) jáne basqa elderden ónerpazdar qatysty.

Jalpy, bul sharaǵa jyl saıyn myńǵa jýyq adam keledi. Mundaǵy maqsat - ár eldiń óner adamdarynyń basyn qosyp, talanttaryn álemge pash etý.

Festıval buǵan deıin Shyńǵys Aıtmatovtyń 90, Áshirali Aıtalıevtiń 95, Kalyıbek Jekshenovtiń 65, Emıl Toktobekovtiń 55 jyldyǵyna arnalǵan bolatyn.

Baıqaý ánshiler (estrada, opera, djaz jáne folklor janry), manasshylar, kúı óneri, bı óneri, dızaınerler, qolóner sheberleri jáne akterlik sheberlik atalymdary boıynsha ótkizildi.

Festıval qorytyndysynda H.Bókeeva atyndaǵy BQO qazaq drama teatrynyń aktrısasy Elmıra Maqasheva akterlik sheberlik atalymy boıynsha kórkem sóz oqýdan bas júldeni jeńip aldy. Ol Sh.Aıtmatovtyń «Janpıda» romanynan monologty tebirene oqyp berdi.

Sol sekildi Ǵ.Qurmanǵalıev atyndaǵy oblystyq fılarmonııanyń bıshileri Sultan Daýtov pen Kamılla Halelova bı ónerinen Gran-prıge qol jetkizdi.

«Bul baıqaý - ómirimdegi eń baqytty sátterdiń biri. Óıtkeni ár eldiń maqtanyshtary - kil myqtynyń arasynan daralanyp shyǵý ońaıǵa túsken joq. Eń bastysy, el úmitin aqtap, abyroıyn asqaqtatý ǵoı», dedi QazAqparat tilshisine QR mádenıet salasynyń úzdigi Elmıra Maqasheva.

Aıta keteıik, ótken jyly osy festıvalde «Úzdik dástúrli ánshi» atalymy boıynsha Ǵ.Qurmanǵalıev atyndaǵy oblystyq fılarmonııanyń ánshisi Kúlásh Qýanyshqalıeva bas júldeni jeńip alǵan bolatyn. Bıyl ol qurmetti qonaq retinde qatysty.





Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Mýhamedııarova Janara
Mýhamedııarova Janara
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT