Jańalyqtar  >

Oral qalasynda tóbeleske qatysqan reseılikter elden shyǵaryldy

2022 jylǵy 4 qazan, 21:29
Oral qalasynda tóbeleske qatysqan reseılikter elden shyǵaryldy

ORAL. QazAqparat – Oral qalasynda tóbeleske qatysqan reseılikter elden shyǵaryldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, tártip saqshylary QR zańnamasyn buzǵan RF azamattaryn respýblıka aýmaǵynan shyǵaryp jiberý týraly ákimshilik sottyń sheshimin oryndady.

«Polıtsııa qyzmetkerleri «Syrym» shekara beketi arqyly eki reseılikti elden shyǵardy. Sonymen qatar tóbeleske qatysqan taǵy eki reseılik ákimshilik qamaqqa alý merzimi aıaqtalǵannan keıin QR aýmaǵynan shyǵarylady», dep habarlady vedomstvodan.

Eske sala keteıik, budan buryn Oralda túngi klýbtyń janynda tóbeleske qatysqan Reseı azamattary bes táýlikke qamalǵanyn, olardyń Qazaqstannan shyǵarylatynyn jazǵan bolatynbyz.

Sondaı-aq Batys Qazaqstan oblysynda shekaradaǵy jaǵdaı turaqtaldy.


Uqsas jańalyqtar
Seriktester jańalyqtary

Jańalyqtar