Oral qalasynda avtobýs 9 jasar balany qaǵyp ketti
2022 jylǵy 28 qańtar 01:15

Oral qalasynda avtobýs 9 jasar balany qaǵyp ketti

ORAL. QazAqparat – Oral qalasynda avtobýs balany qaǵyp ketti, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkendeı, oqıǵa 27 qańtar kúni saǵat 19.46-da boldy.

«PAZ» avtobýsynyń 41 jastaǵy júrgizýshisi Á.Moldaǵulova kóshesinde «Anvar» dúkeni tusynda retteletin jaıaý júrginshi ótkelinde tyıym salynǵan baǵdarshamǵa qaramastan, júgirip ótpek bolǵan 2013 jylǵy balany qaǵyp ketken.

Bala jedel járdem kóligimen aýrýhanaǵa jetkizildi.

Oblystyq densaýlyq saqtaý basqarmasy baspasóz qyzmetiniń naqtylaýynsha, bala mańdaıyn soǵyp alǵan, ambýlatorlyq em alýǵa jiberildi.


Sondaı-aq saǵat 19.00-de Syrym Datuly men ıÝ.Gagarın kósheleriniń qıylysynda «VAZ 2107» avtokóliginiń 30 jastaǵy júrgizýshisi 1985 jylǵy er adam aıdap kele jatqan KIA Sportage avtokóligine jol bermeı, soqtyǵysqan.

Sonyń saldarynan «VAZ 2107» avtokóliginde otyrǵan jolaýshy zardap shegip, aýrýhanaǵa jetkizildi.

Sonymen qatar saǵat 10.35-te «Folksvagen Passat» avtokóliginiń 28 jastaǵy júrgizýshisi Almaty men Kaztalov kósheleriniń qıylysynda baǵdarshamnyń tyıym salynǵan belgisine qaramastan, júgirip ótpek bolǵan 1992 jylǵy júrginshini qaǵyp ketti.

Jaıaý júrginshi jaraqat alyp, oǵan qatysty QR Ákimshilik quqyqbuzýshylyq kodeksi 615-baby 2-bóligine sáıkes hattama toltyryldy.

Qazirgi kezde oqıǵalardyń mán-jaıy anyqtalý ústinde.

Eske sala keteıik, budan buryn Batys Qazaqstanda jol apatynan úsh adamnyń kóz jumǵanyn jazǵan bolatynbyz.



Jańalyqtar

MURAǴAT