+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Optımıstik stsenarııge sengimiz keledi –Dáýren Abaev AQSh pen Irannyń teketiresi jaıly

2020 jylǵy 10 qańtar 21:13
Bólisińiz:
Optımıstik stsenarııge sengimiz keledi –Dáýren Abaev AQSh pen Irannyń teketiresi jaıly

NUR-SULTAN. QazAqparat – AQSh pen Iran teketiresi Qazaqstanǵa qalaı yqpal etýi múmkin? Bul suraqqa «Ashyq dıalog» baǵdarlamasynda QR Aqparat jáne qoǵamdyq damý mınıstri Dáýren Abaev pikir bildirdi, dep habarlaıdy QazAqparat tilshisi.

«Aıtylyp jatqan áńgimeni qaıtalaýdyń qajeti shamaly. Dese de, aıtpaý ketý taǵy orynsyz. Dál búgingi kúni jaǵdaı osylaı bolady dep tap basyp aıtý múmkin emes. Biraq, búgingi kúni álemniń barlyq sarapshysy teketirestiń shyrqaý shyńynan ótip ketkenin aıtyp, osy tujyrymnyń durystyǵyna úmittenedi. Shynyna kelgende, jaǵdaıdyń ýshyǵýyna jáne áskerı sıpatqa aýysýyna eshkim de múddeli emes. Sol sebepti, optımıstik stsenarııge sengimiz keledi», - dedi Dáýren Abaev.

Mınıstr óz sózinde Memleket basshysy syrtqy saıasatqa jáne kúshtik qurylymdarǵa jaýap beretin blokqa naqty tapsyrma berip, shekaradan tys mekemelerdiń, álbette, eń aldymen sheteldegi Qazaqstan azamattarynyń qaýipsizdigin qamtamasyz etýdi tapsyrǵanyn eske saldy.

Eske sala keteıik, 3 qańtarda Baǵdat halyqaralyq áýejaıyna jasalǵan raketa shabýylynan 8 adam kóz jumdy. Raketalar «Al-Hashd ash-Shaabı» shııt jasaǵyna qarsy baǵyttalǵan bolatyn. Keıinnen bul amerıkalyq Pentagonnyń operatsııasy ekeni belgili boldy. Raketa shabýylynan qaza tapqandar arasynda ırandyq Islam revolıýtsııasy áskerleri korpýsynyń arnaıy maqsattaǵy «Al Kýds» qarýly kúshteriniń qolbasshysy Kasem Súleımanı de bar.

Kóp ótpeı AQSh pen olardyń odaqtastarynyń kúshi shoǵyrlanǵan Iraktaǵy eki áskerı bazaǵa Iran raketalyq shabýyl jasady.

Osy oqıǵalardyń izinshe ýkraınalyq áýe kompanııasyna tıesili Boeing 737 ushaǵy áýege kóterilgennen keıin apatqa ushyrap, 177 adam kóz jumǵan edi. Ýkraına Irandaǵy áýe apatynyń barynsha ashyq tergelýin talap etpek.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT