FÝTBOLDAN ÁLEM ChEMPIONATY-2022
  Jańalyqtar  >

Oppozıtsııa kezekten tys prezıdent saılaýyna óz kandıdatyn usyndy

2022 jylǵy 1 qazan, 13:24
Oppozıtsııa kezekten tys prezıdent saılaýyna óz kandıdatyn usyndy

ASTANA. QazAqparat – Jalpyulttyq sotsıal-demokratııalyq partııa Nurlan Áýesbaevty kezekten tys prezıdent saılaýyna kandıdat retinde usyndy, dep habarlaıdy QazAqparat tilshisi.

Aıta keteıik, búgin partııanyń kezekten tys XIX sezi ótti.

Onda prezıdenttikke kandıdat retinde Nurlan Áýesbaev usynylyp, jınalǵandar bul usynysty qoldaǵan.

Atalǵan partııa málimetinshe, zańger ári ekonomıst Nurlan Satybaldyuly Áýesbaev 1957 jyldyń 17 mamyrynda Ońtústik Qazaqstan oblysynda dúnıege kelgen.

2021 jyly JSDP-nyń Astana fılıalynyń tóraǵasy bolyp saılanǵan.

Aıta keteıik, keshe «Aýyl» halyqtyq-demokratııalyq patrıottyq partııasynyń kezekten tys HH sezi ótip, onda prezıdent saılaýyna úmitker retinde Qazaqstan fermerler qaýymdastyǵynyń basqarma tóraǵasy Jıgýlı Daırabaev bekitilgen edi.

Al 6 qazanda AMANAT, «Aq jol» men Qazaqstan halyq partııalarynyń sezi ótedi. Onda atalǵan saıası uıymdar óz kandıdattaryn usynbaq.

Kezekten tys prezıdent saılaýy 20 qarasha kúni ótedi.


Foto: informburo.kz


Uqsas jańalyqtar
Seriktester jańalyqtary

Jańalyqtar