Ońtústik Koreıadaǵy prezıdent saılaýynda oppozıtsııa ókili jeńiske jetti
2022 jylǵy 10 naýryz 08:36

Ońtústik Koreıadaǵy prezıdent saılaýynda oppozıtsııa ókili jeńiske jetti

SEÝL. Yonhap- QazAqparat – Koreıa Respýblıkasynda oppozıtsııa partııasynyń kandıdaty ıÝn Sok El prezıdenttik saılaýda jeńiske jetti. Bul týraly beısenbi kúni Koreıanyń Ortalyq saılaý komıteti málim etti, dep habarlaıdy QazAqparat Yonhap agenttigine silteme jasap.

ıÝn Sok El 48,56% daýys jınady, al onyń negizgi qarsylasy bıliktegi «Tobýro» demokratııa partııasynyń kandıdaty Lı Chje Men 47,83 % daýys jınap, jeńiske jete almaı qaldy. Prezıdenttik jarysta úshinshi bolǵan Sım San Chjon saılaýshylardyń 2,37% daýysyn jınaǵan.
Ulttyq jınalysta sóz sóılegen jańa prezıdent óziniń negizgi maqsatynyń el azamattarynyń birligin nyǵaıtý ekenin atap aıtyp, jaqtastaryna alǵys bildirdi. ıÝn Sok El oppozıtsııamen birge halyqqa qyzmet etetinin jetkizdi. Ol óziniń jeńisin «uly adamdardyń jeńisi» dep atady.


Seriktester jańalyqtary

Jańalyqtar

Úrdis

MURAǴAT