+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Ońtústik Koreıada bala qaǵyp, qashyp ketken otandasymyz óz erkimen Seýlge ushyp keldi

2019 jylǵy 14 qazan 10:20
Bólisińiz:
Ońtústik Koreıada bala qaǵyp, qashyp ketken otandasymyz óz erkimen Seýlge ushyp keldi

NUR-SULTAN. QazAqparat - Ońtústik Koreıada kishkentaı balany qaǵyp ketip, sońynan elden ketip qalǵan Qazaqstan azamaty tergeý is-sharalaryna qatysý úshin Seýl qalasyna óz erkimen ushyp keldi. Bul jóninde Syrtqy ister mınıstrliginiń baspasóz qyzmetine silteme jasap QazAqparat habarlaıdy.

Uqsas jańalyqtar
Ońtústik Koreıada kóligimen bala qaqqan qazaqstandyqqa qatysty tergeý aıaqtaldy Almatyda kólik qaqqan 56 jastaǵy áıel oqıǵa ornynda kóz jumdy Atyraýda kólik qaqqan 40 jastaǵy jaıaý júrginshi qaza tapty

«Qazaqstan Respýblıkasy azamatynyń Koreıaǵa kelý barysy elshilik qyzmetkerleriniń baqylaýynda ótti. Dıplomattar jeke suhbat barysynda onyń quqyqtaryn túsindirip, tergeý kezinde ózin qalaı ustaýy kerektigi týraly keńes berdi» delingen habarlamada.

Qazirgi ýaqytta otandasymyz Changvon qalasynyń tergeý ızolıatorynda qamaýda otyr. Elshilik bul máseleni udaıy baqylaýda ustaıdy.

Renhap agenttiginiń habarlaýynsha, oqıǵa ótken aıda Ońtústik Kensan provıntsııasynda bolǵan. Bastaýysh mektepte oqıtyn balany kólik qaǵyp ketkennen keıin densaýlyǵyna úlken zaqym kelgen, dep habarlaıdy Ulttyq polıtsııa agenttigi.

Mıyna qan quıylǵan bala oqıǵadan keıin es-tússiz jatqan.

Aqparat agenttigi qazaqstandyq zańsyz ımmıgranttyń júrgizýshi kýáligi bolmaǵanyn atap ketti. Ol basqa adamnyń atyna tirkelgen kólikti aıdaǵan. Sondyqtan polıtsııa jol apatyna kináli adamdy ýaqytynda anyqtaı almaı, elden ketýge tyıym sala almaǵan.

Kúdiktige halyqaralyq izdeý jarııalanǵannan keıin Ońtústik Koreıa polıtseıleri qazaqstandyq áriptesterine atalmysh oqıǵaǵa qatysty shara qabyldaýdy ótindi. Osylaısha olar qazaqstandyq polıtsııamen birlesip, zań buzýshynyń júrgen jerin anyqtady.

Sondaı-aq, Ońtústik Koreıa qazaqstandyq áriptesterine kúdiktini Seýlge ekstradatsııalaý týraly ótinish bildirdi. Seýldegi Qazaqstan elshiliginiń kómegimen ońtústikkoreıalyq tarap jas jigitti óz erkimen elge qaıtýǵa kóndire aldy.

Qazaqstandyq Interpol júrgizgen tergeý barysynda er adam jasaǵan qylmysyn moıyndap, Ońtústik Koreıanyń polıtsııasyna berilý jóninde sheshim qabyldady.

Eske sala keteıik, biraz ýaqyt buryn Qazaqstan azamaty Ońtústik Koreıada kishkentaı balany qaǵyp, oqıǵa ornynan izin sýytqan bolatyn. Biraz ýaqyttan keıin onyń Pavlodarda júrgeni belgili boldy.

Osy jaǵdaıdan keıin Ońtústik Koreıanyń bılik ókilderi zańsyz júrgen sheteldik azamattarǵa elden aldyn ala eskertýsiz shyǵýǵa tyıym salatynyn málim etti.

Bizdiń kanalymyzǵa jazylyńyz:

Basty sózder: Oqıǵa, QR SІM,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT