+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Ońtústik Qazaqstannyń 700 myń turǵyny sportpen turaqty shuǵyldanady

2017 jylǵy 10 aqpan 22:28
Bólisińiz:
Ońtústik Qazaqstannyń 700 myń turǵyny sportpen turaqty shuǵyldanady

ShYMKENT. QazAqparat - Ońtústik Qazaqstan oblysynda 700 myńnan astam adam turaqty túrde sportpen shuǵyldanady.

Bul týraly búgin OQO Óńirlik kommýnıkatsııalar qyzmetinde ótken brıfıngte oblystyq Dene shynyqtyrý jáne sport basqarmasynyń basshysy Álibek Nurtaev málim etti, dep habarlaıdy QazAqparat HAA tilshisi

Basqarma basshysynyń sózinshe, buqaralyq sportty damytý maqsatynda óńirde ótken jyly 4849 sporttyq is-shara ótkizilip, oǵan 550 myńnan astam adam qatysqan. Onyń ishinde aýyldyq jerlerde uıymdastyrylǵan 3151 sporttyq sharada 362 975 azamat baqtaryn synady.

Al, ótken jyldyń qorytyndysy boıynsha, oblysta dene shynyqtyrý jáne sportpen turaqty shuǵyldanýshylar sany 708 884 adamdy qurap, oblystaǵy barlyq jastaǵy halyqtyń qamtylýy 24,7 paıyzǵa jetti. Aýa raıy qolaıly, qysy jyly bolatyn óńirde sportpen shuǵyldanamyn degen azamattarǵa búginde barlyq jaǵdaı jasalýda.

«Máselen, 2016 jyly qala, aýdandardaǵy eldi mekenderde demeýshiler esebinen 52 sport alańy salynyp, paıdalanýǵa berildi. Sondaı-aq, eldi mekenderde jergilikti bıýdjet, bıznestiń áleýmettik jaýapkershiligi aıasynda jáne «Jumyspen qamtý - 2020» jol kartasy baǵdarlamasy aıasynda oblys kóleminde jalpy 116 sport alańy salyndy. Shardara aýdany men Túrkistan qalasynda sport keshenderi ashyldy. Al, Shymkent qalasynda barlyq sanattaǵy azamattarǵa dene shynyqtyrý jáne sportpen shuǵyldanýy úshin «Jeńis», «Táýelsizdik» saıabaqtary, «Nursát» shaǵynaýdany men «Naýryz» alańynda «Street Workout» sporttyq qozǵalysyna arnalǵan arnaıy alańshalar standartqa saı salynyp, halyq ıgiligine berildi.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT