+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Ońtústik Qazaqstan oblysynda páter tonap júrgender ustaldy

2017 jylǵy 10 aqpan 00:11
Bólisińiz:
Ońtústik Qazaqstan oblysynda páter tonap júrgender ustaldy

ShYMKENT. QazAqparat - Ońtústik Qazaqstan oblysynda páter tonap júrgen kúdiktiler ustaldy. 12 úıge urlyqqa túskender jábirlenýshilerge mıllıondaǵan shyǵyn keltirgen, dep habarlaıdy QazAqparat HAA tilshisi oblystyq ІІD-niń baspasóz qyzmetine silteme jasap.

Oblys ortalyǵynan shalǵaı ornalasqan Kentaý qalasynda sońǵy kezde páter tonaýshylar kóbeıip ketken. Jýyrda polıtsııa bólimshesine aryzdanǵan bir turǵyn úıine ury túsip, bir mıllıon teńgeniń altyn buıymdary joǵalǵanyn málim etken. Budan bólek, qalalyq ishki ister basqarmasyna taǵy ondaǵan jábirlenýshi habarlasyp, úılerin tonap ketkenin kórsetken. Osydan keıin jedel izdestirý sharalaryn júrgizgen tártip saqshylary urlyqqa qatysy bar degen kúdikpen eki seziktini ustady. 25 jáne 28 jastaǵy sybaılastar Kentaý qalasynyń jumyssyz júrgen turǵyndary ekeni anyqtaldy. Tergeý sharalary barysynda olardyń 12 úıdi tonaǵandary belgili boldy. Ustalǵan ekeý jábirlenýshilerge 4,5 mln teńgeden asa shyǵyn keltiripti.

Seziktilerdiń sózinshe olar kúndiz belgili bir úıdi ańdyp, urlyqqa negizinen tún ortasynda shyǵyp otyrǵan. Úı ıeleri joq bolǵan jaǵdaıda terezelerin ashyp, ishke kiredi. Sóıtip jan-jaqty tintip, qalaǵan zattaryn alyp ketip otyrǵan.

Qazirgi tańda osy derekter boıynsha Qylmystyq kodekstiń 188-shi «Tonaý» babymen qylmystyq is qozǵalyp, sotqa deıingi tergeý amaldary júrgizilýde. Eki sybaılas ta ýaqytsha tergeý abaqtysyna jabyldy.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT