+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

«Ońtústik Qazaqstan» gazeti 95 jyldyq mereıtoıyn atap ótti

2019 jylǵy 7 jeltoqsan 05:27
Bólisińiz:
«Ońtústik Qazaqstan» gazeti 95 jyldyq mereıtoıyn atap ótti

TÚRKІSTAN. QazAqparat - Ult rýhanııatyna, qazaq jýrnalıstıkasyna úlken úles qosyp kele jatqan «Ońtústik Qazaqstan» gazetine bıyl - 95 jyl. Osyǵan oraı, Túrkistan tórinde saltanatty shara ótti, dep habarlaıdy QazAqparat.

Mereıtoıda «Ońtústik Qazaqstan» gazetiniń redaktsııa ujymyna QR Prezıdenti Qasym-Jomart Toqaevtyń alǵys haty, QR Parlamenti Senatynyń birneshe depýtatynyń, QR Aqparat jáne qoǵamdyq damý mınıstri Dáýren Abaevtyń, QR Prezıdentiniń baspasóz hatshysy Berik Ýálıdiń quttyqtaý jedelhattary tapsyryldy.

Jıyndaǵy alǵashqy quttyqtaý sóz oblys ákiminiń orynbasary Sáken Qalqamanovqa berildi.

«Bul mereıtoı redaktsııa ujymynyń ǵana emes, tutas Túrkistan oblysy halqynyń ortaq merekesi. Óıtkeni, «Ońtústik Qazaqstan» – qarashańyraq basylym. Onyń tarıhy ult qaıratkerleri Sultanbek Qojanov pen Turar Rysqulov negizin qalaǵan «Aq jol» gazetinen bastaý alady. Bul gazette Á.Bekeıhanov, H.Dosmuhammedov, M.Dýlatov, N.Tórequlov, M.Jumabaev, M.Áýezov sekildi ult janashyrlarynyń qalamynyń izi qalǵan. Sondaı-aq, O.Jandosov, O.Isaev, B.Kenjebaev syndy kórnekti tulǵalar redaktorlyq qyzmet atqarǵan. «Ońtústik Qazaqstan» – ózindik mektebi qalyptasqan irgeli basylym. Ol - ult jýrnalıstıkasynyń sheberhanasy. Qazaq jýrnalıstıkasyndaǵy júırikter men aqıyq aqyndar, kórnekti jazýshylar osynda qyzmet etip, túlep ushty», – degen Sáken Qalqamanov oblys ákimi Ómirzaq Shókeevtiń quttyqtaý hatyn oqyp berdi.

Munan keıin Túrkistan oblystyq máslıhatynyń atynan depýtat Sattar Qýashbaev, oblystyq ardagerler keńesi tóraǵasynyń orynbasary Úrzada Aıtóreeva, «Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev, Qazaqstannyń Qurmetti jýrnalısi Baıdýlla Qonysbek, QR Jýrnalıster odaǵy Túrkistan oblystyq fılıalynyń tóraǵasy Ǵalymjan Elshibaı quttyqtaý sóz sóıledi.

Aıtýly merekede gazettiń ardageri Sádil Kadeevke Qazaqstannyń Qurmetti jýrnalısi belgisi tapsyryldy. Sonymen qatar redaktsııa qyzmetkerleri men ardagerleri, turaqty avtorlar men belsendi oqyrmandar oblys ákiminiń alǵys hattarymen, oblystyq máslıhattyń gramotasymen, basqa da memlekettik organdardyń, partııalar men qoǵamdyq uıymdardyń alǵys hattarymen marapattaldy.

Jıynda Qazaqstannyń halyq ártisi Qajybek Bekbosynov, belgili ánshiler Maqsat Aıtjanov, Quralaı Sátmuhametova, Maıgúl Turyskeldıeva jáne basqa da ónerpazdar ánnen shashý shashyp, ónerlerin ortaǵa saldy. Saltanatty shara 9 jastaǵy talantty ánshi Saǵyn Ómirbaıdyń oryndaýyndaǵy «Men qazaqpyn» ánimen qorytyndylandy.

Gazettiń mereıin asyrǵan saltanatty sharadan keıin ózge oblystardan arnaıy kelgen BAQ ókilderi ózara pikir almasqan «Óńirlik BAQ: problemalary men perspektıvalary» taqyrybynda forým ótti.

Bizdiń kanalymyzǵa jazylyńyz:

Basty sózder: Túrkistan oblysy, BAQ, Aımaq,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT