Ońtústik Karolınada allıgator er adamdy toǵanǵa súırep áketken
2022 jylǵy 28 maýsym 03:11

Ońtústik Karolınada allıgator er adamdy toǵanǵa súırep áketken

MERTL-BICh. QazAqparat - Ońtústik Karolına shtatynyń Mırtl-Bıch aýdanynda allıgator er adamdy toǵanǵa súırep aparyp, óltirgen, dep habarlaıdy QazAqparat NBC News-ke silteme jasap.

Órt sóndirýshilerge Mırtl-Bıch qalasynyń mańyndaǵy Ekskalaber-Kort aýdanynan saǵat 23:45 shamasynda qońyraý túsken. Oqıǵa ornyna jetken olar er adam men allıgatordy toǵannan alyp shyqqan.

Ońtústik Karolınanyń Tabıǵı resýrstar departamentiniń bıology men allıgator aýlaý qyzmeti allıgatordy sol jerde evtanızııalaý kerek degen sheshim qabyldady.

Tabıǵı resýrstar departamentiniń málimeti boıynsha, Ońtústik Karolınada shamamen 100 myń allıgator mekendeıdi. Jyl saıyn qaýip tóndiretin 250-300-ge jýyq baýyrymen jorǵalaýshy aýlanady.

Bul 2016 jyldan beri atalmysh shtatta allıgatorlardyń adamǵa jasaǵan tórtinshi shabýyly. Buǵan deıin úsh eresek adam qaza bolǵan edi – 2016, 2018 jáne 2020 jyldary.

Shabýyl qaýpin azaıtý úshin adamdar allıgatorlardy tamaqtandyrýdan nemese sýretke túsirýden aýlaq bolýy kerek.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT