Ońtústik Afrıka respýblıkasynda túngi klýbtan 22 adamnyń máıiti tabyldy
2022 jylǵy 27 maýsym 11:58

Ońtústik Afrıka respýblıkasynda túngi klýbtan 22 adamnyń máıiti tabyldy

NUR-SULTAN. QazAqparat – OAR bıligi Úndi muhıtynyń jaǵalaýynda ornalasqan Ist-London qalasynda túngi klýbtan tabylǵan 22 adamnyń neden kóz jumǵanyn anyqtamaqshy, dep habarlaıdy QazAqparat BBC News-ke silteme jasap.

Frans presstiń habarlaýynsha, qaza tapqandardyń denesinde eshqandaı jaraqat bolmaǵan. Agenttik málimetinshe, olar 18-20 jas aralyǵynda, keıbiri tipti 15 jasta bolǵan.

Qazir tabylǵan máıitter máıithanaǵa jetkizildi. Onda toksıkologııalyq saraptama júrgizilip, nátıjesinde klýbqa kelýshilerdiń neden kóz jumǵany anyqtalady.

Jergilikti sheneýniktiń málimetinshe, osy túni klýbta mektep bitirýshi túlekter kóp bolǵan.

OAR Shyǵys-Kap provıntsııasynyń basshysy Oskar Mabýııane qaıǵyly oqıǵanyń neden bolǵanyn atamady, biraq «sheksiz spırttik ishimdikti paıdalanýdy» synǵa aldy.

OAR prezıdenti Sırıl Ramafosa qaıtys bolǵandardyń otbasyna kóńil aıtyp, 18 tolmaǵan jasóspirimderdi klýbqa jibergenin synady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT