+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Óńirlik jýrnalısterge sapaly kontent jasaý joldary úıretildi

2019 jylǵy 12 jeltoqsan 19:22
Bólisińiz:
Óńirlik jýrnalısterge sapaly kontent jasaý joldary úıretildi

NUR-SULTAN. QazAqparat - Pavlodar, Aqtóbe jáne Qostanaı qalasynda «Mýltımedıalyq jýrnalıstıka: sapaly kontent daıyndaý máseleleri» atty bir kúndik semınar-trenıng bolyp ótti, dep habarlaıdy QazAqparat.

Úsh qalada ótken tegin semınar-trenıngke ár qaladan jergilikti BAQ-tarda jumys isteıtin 20-dan astam jýrnalıst qatysty. Tilshilerge Qaınar Oljaı, Meıramhan Jápek, Erbol Azanbek, Nurlan Janaı men Erjan Qalymbaıuly syndy medıa trenerler mýltımedıalyq jýrnalıstıkaǵa qatysty dárister ótkizdi. Sonymen qatar, qazaq tildi jýrnalıstıkadaǵy eń ózekti taqyryptardyń biri — sapaly kontent jasaýdyń qyr-syryn úıretti.

Semınar-trenıng baǵdarlamasy sheńberinde trenerler mýltımedıalyq kontent qalaı jasalatynyn, ony jasaýdyń joldaryn kórsetti. Sonymen qatar, jýrnalısterge kontentti saýatty jazý, taqyryp qoıý, stılıstıkalyq erekshelikter men aqparatty vızýalızatsııalaý, iskerlik jýrnalıstıka, dıdjıtal jýrnalıstıkanyń erekshelikteri úıretildi.

Qatysýshylar medıa trenerlerge ózderin tolǵandyrǵan saýaldaryn qoıyp, jaýap aldy. Jýrnalısterdiń teorııalyq jáne tájirıbelik biliktiligin arttyrýǵa arnalǵan sharaǵa qatysqandarǵa arnaıy sertıfıkattar men syılyqtar tabys etildi. Sonymen qatar, jergilikti jýrnalısterge belgili jýrnalıst Erbol Azanbektiń jetekshiligimen jaryq kórgen «Іskerlik jýrnalıstıka» kitaby da tartý etildi.

«Uıymdastyrýshylar qazaq medıa naryǵynda aldaǵy jyldary sapaly kontent jasaý máselesi ózekti taqyrypqa aınalaryna senimdi. Arzan shoý men dabyrasy qalyń dúnıeler jáne haıpqa baǵyttalǵan baǵdarlamalardan halyq jalyǵa bastady. Óz ózin ósirgisi keletin, tulǵalyq damyp, rýhanı kemeldengisi keletin tutynýshylardy qazaq tilindegi sapaly aqparatpen qamtamasyz etýde BAQ áli qaýaqarsyzdyq tanytyp keledi. Kóptegen salada aqparat múlde tapshy. Salalyq, sapalyq aqparattarǵa suranys ta kún sanap artýda», delingen habarlamada.

Medıa trenerlerdiń biri, belgili pýblıtsıst Qaınar Oljaıdyń aıtýynsha, mundaı sharalar ásirese, óńirdegi qazaq tildi jýrnalısterdiń damýyna oń yqpal etip, zamanǵa saı ilgerleýine óz septigin tıgizedi. Uıymdastyrýshylardyń biri Janbolat Serikbaıulynyń sózinshe, buǵan deıin qazaq tildi jýrnalısterdi oqytý sharasynyń formaty san túrli bolyp kelgen. Byltyr elordaǵa biraz óńirlerden jýrnalıster aldyrtyp, oqytqan. Qarasha-jeltoqsan aıynda úsh qalada ótken jýrnalısterdiń bilim-biligin arttyrýǵa arnalǵan semınar-trenıngke barlyǵy 70-ke jýyq jýrnalıst qatysqan. Ár qalaǵa 20 oryn belgilengenine qaramastan, keı qalada qatysýshylar sanyn odan asyryp jiberýge týra kelgen. Sebebi, qyzyǵýshylyq tanytqan jergilikti jýrnalısterdiń qarasy mol bolǵan.

Bizdiń kanalymyzǵa jazylyńyz:

Basty sózder: BAQ, Aımaq,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT