+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Óńirlerdiń jylý berý maýsymyna daıyndyǵy tekserilýde

2021 jylǵy 14 qyrkúıek 11:00
Bólisińiz:
Óńirlerdiń jylý berý maýsymyna daıyndyǵy tekserilýde

NUR-SULTAN. QazAqparat – Óńirlerdiń jylý berý maýsymyna daıyndyǵy tekserilip jatyr. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

Uqsas jańalyqtar

«Aldaǵy 2021-2022 jyldardaǵy jylý berý maýsymyna sapaly jáne ýaqtyly daıyndalý maqsatynda mınıstrlik jumys josparyn bekitti. Oǵan sáıkes oblystardyń, Nur-Sultan, Almaty jáne Shymkent qalalarynyń ákimdikteri 2021 jylǵy 1 qyrkúıekke deıin bilim berý nysandarynyń 100 paıyzdyq daıyndyǵyn qamtamasyz etýi jáne 2021 jylǵy 15 qazanǵa deıin barlyq kommýnaldyq sharýashylyq, áleýmettik sala nysandaryn, turǵyn úılerdi daıyndaýdy aıaqtaýy jáne barlyq derbes jylý kózderin otynnyń normatıvtik qorymen qamtamasyz etýi qajet boldy. Osy jyldyń 6 qyrkúıeginen bastap Prezıdent Ákimshiligimen birlesip, óńirlerdiń aldaǵy jylý berý maýsymyna daıyndyǵyn tekserý júrgizilip jatyr», - dedi mınıstr.

Onyń dereginshe, aǵymdaǵy kezeńde bilim berý nysandarynyń daıyndyǵy 99 paıyz.

«Aqmola, Aqtóbe, Jambyl oblystarynyń jáne Nur-Sultan qalasynyń ákimdikteri bilim berý nysandaryndaǵy jumystardy aıaqtaý boıynsha shuǵyl is-sharalar qabyldaýy qajet»,- dedi ol.

Mınıstr búgingi kúni densaýlyq saqtaý nysandarynyń daıyndyǵy 99 paıyzǵa jetkenin aıtty.

«Almaty, Aqtóbe, Soltústik Qazaqstan oblystary men Nur-Sultan qalasynyń ákimdikteri nysandardyń jylý berý maýsymyna daıyndyǵy boıynsha jumysty aıaqtaý qajet», - dedi Beıbit Atamqulov.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT