Óńirlerde 10 myńǵa jýyq kredıttik páter salynyp jatyr
2022 jylǵy 5 shilde 10:40

Óńirlerde 10 myńǵa jýyq kredıttik páter salynyp jatyr

NUR-SULTAN. QazAqparat – Bıyl salynýǵa tıis 138 myń turǵyn úıdiń 47 myńy - jeke turǵyn úı. QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda osyndaı derek keltirdi, dep habarlaıdy QazAqparat tilshisi.

«Bıyl respýblıka boıynsha 15,1 mln sharshy metr nemese 138 myń turǵyn úı salý josparlanýda. Onyń ishinde, kóp qabatty úılerde 90 myńnan astam páter jáne 47 myń jeke turǵyn úı. Júrgizilip jatqan turǵyn úı saıasaty sheńberinde 7 myńnan astam azamat satyp alý quqyǵynsyz jalǵa beriletin turǵyn úımen qamtamasyz etiledi», - dedi Qaıyrbek Óskenbaev.

Sondaı-aq, ol «Otbasy bank» arqyly óńirlerde kezekte turǵandarǵa arnap 9,8 myń kredıttik páter salynyp jatqanyn atap ótti.

«Budan basqa, «Baqytty otbasy» baǵdarlamasy boıynsha jeńildetilgen qaryz túrindegi memlekettik qoldaý sharalarymen 5 myńnan astam kezekte turǵan adamdy qamtımyz. Jeke turǵyn úı qorynan úıdi jalǵa alǵany úshin 70 myńǵa jýyq kezekte turǵan adamnyń jaldaý aqysyn sýbsıdııalaý josparda bar»,-dedi mınıstr.

Sonymen qatar, Úkimet otyrysnyda Premer-Mınıstr arendalyq turǵyn úıdi satyp alýdaǵy zańnama qaıshylyǵyn sheshýdi tapsyrdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT